బిగ్ బాస్ మూడో సీజన్‌లో ప్రముఖ యాంకర్ శ్రీముఖి కంటిస్టెంటుగా కొనసాగుతోన్న సంగతి తెలిసిందే. ఇందుకోసం ఆమె యాంకరింగ్‌ను పక్కనబెట్టి మరీ బిగ్ బాస్ హౌస్‌లోకి వెళ్లింది.
ఈ షో ద్వారా మరింత పాపులరైంది శ్రీముఖి. ప్రస్తుతం ఈ షో రసవత్తరంగా సాగుతుంది. ఎప్పుడు గొడవలతో, దూషించుకునే మాటలతో దూసుకుపోతుంది. మొన్నటి వరకు గ్రూపులుగా ఉన్న బిగ్ బాస్ హౌస్ మేట్స్ ప్రస్తుతం నువ్వా నేనా అన్నట్లు పోటీపడుతున్నారు. తాజాగా శ్రీముఖికి బిగ్ బాస్ హౌజ్‌లో పెళ్లిచూపులు జరిగాయి.
ఈ విషయంలో శుక్రవారం విడుదలైన ప్రోమోలో తెలిసిపోయింది. తొలి ప్రోమోలో అలీ ఎంట్రీ జరిగిపోగా, రెండో ప్రోమోలో శ్రీముఖి పెళ్లి చూపులను చూపించారు. అత్త శివజ్యోతి సమక్షంలో శ్రీముఖి-రవి పెళ్లి చూపులు జరుగుతాయి. ఆ సందర్భంగా యాంకర్ శ్రీముఖి సిగ్గుతో తెగ మెలికలు తిరిగింది. ఎప్పుడు మగరాయుడులాగా ఉన్న శ్రీముఖి ఈ ప్రోమో తలా దించుకొని సిగ్గుపడుతూ వస్తుంది.
ఆ పెళ్లి చూపులు తంతు కాస్త అందరిని నవ్వుల్లో ముంచేసింది. ఈ పెళ్లి చూపుల్లో బాబా భాస్కర్ పంచ్ కామెడీతో అందరినీ నవ్వించారు. ఈ వీడియోను చూస్తే శ్రీముఖి పెళ్లి చూపుల్లో ఎలా అదరగొట్టిందో మీకే తెలిసిపోతుంది.