బాలీవుడ్ స్టార్ హీరో అక్షయ్ కుమార్ తల్లి అరుణా భాటియా ఇకలేరు. గత కొద్దిరోజులుగా అనారోగ్యంతో బాధపడుతూ వచ్చిన ఆమె బుధవారం కన్నుమూశారు. ఆమె మృతిపై సినీ ప్రముఖులు తీవ్ర సంతాపం తెలుపుతున్నారు. ఈ నెల 6వ తేదీన అనారోగ్యంతో ఆస్పత్రిలో చేరిన ఆమె ఐసీయూలో చికిత్స పొందుతూ తుదిశ్వాస విడిచారు. ఈ విషయాన్ని తెలుపుతూ అక్షయ్ భావోద్వేగ ట్వీట్ చేశారు.
'ఆమె నా జీవితంలో కీలకం. ఆమెను కోల్పోవడం.. నాకు భరించలేని బాధ కలిగిస్తోంది. ఈరోజు మా అమ్మ అరుణ భాటియా ప్రశాంతంగా కన్నుమూసి ఈ లోకాన్ని విడిచి వెళ్లిపోయారు. మరో ప్రపంచంలో ఉన్న మా నాన్నతో కలిశారు. ఆమె కోలుకోవాలని మీరు చేసిన ప్రార్థనలను నేను గౌరవిస్తున్న' అంటూ ఆ ట్వీట్‌లో పేర్కొన్నారు.
'బెల్బాటమ్' చిత్రం ద్వారా ఇటీవల థియేటర్లలోకి వచ్చిన అక్షయ్ కుమార్... సూర్యవంశీ, బచ్చన్ పాండే, అత్రాంగీ రే, పృథ్వీరాజ్, రామ్సేతు, రక్షా బంధన్ తదితర సినిమాలతో బిజీగా ఉన్నారు. ఇవన్నీ త్వరలోనే ప్రేక్షకుల ముందుకురానున్నాయి.