Webdunia - Bharat's app for daily news and videos

Install App

జీహెచ్ఎంసీ పోరు : భాగ్యనగరిలో ఉచిత వైఫై.. తెరాస మేనిఫెస్టో రిలీజ్

Webdunia
బుధవారం, 18 నవంబరు 2020 (21:30 IST)
గ్రేటర్ హైదరాబాద్ మున్సిపల్ కార్పొరేషన్ ఎన్నికల ప్రక్రియ మొదలైంది. డిసెంబరు ఒకటో తేదీన పోలింగ్ జరుగనుంది. ఈ ఎన్నికల కోసం ఇటు అధికార తెరాస, అటు కాంగ్రెస్, బీజేపీ, జనసేన పార్టీలతో పాటు.. చిన్నాచితక పార్టీలన్నీ సమాయత్తమవుతున్నాయి. 
 
అయితే, ఇతర పార్టీల కంటే అధికార తెరాస ఒక అడుగు ముందుగానేవుంది. ఈ ఎన్నికల కోసం ఆ పార్టీ తొలి జాబితాను బుధవారం ప్రకటించింది. అలాగే, మేనిఫెస్టోను కూడా రిలీజ్ చేసింది. మొత్తం 16 పేజీలతో కూడిన మేనిఫెస్టోలోని ముఖ్యాంశాల్లో అతి ప్రధానమైనది... ఈ ఎన్నికల్లో తెరాస విజయభేరీ మోగిస్తే హైదరాబాద్ నగర వ్యాప్తంగా ఉచిత వైఫై సౌకర్యం కల్పించనున్నట్టు పేర్కొంది. 
 
అలాగే, నగరంలో కొత్తగా 4 ఆడిటోరియాల నిర్మాణం, అన్ని గ్రంథాలయాల ఆధునికీకరణ, రూ.130 కోట్లతో 200 ఆదర్శ సమీకృత మార్కెట్లు, రూ.1900 కోట్లతో మరో 280 కి.మీ. మేర మిషన్ భగీరథ పైప్ లైన్, మూసీ సుందరీకరణ.. హుస్సేన్ సాగర్ శుద్ధికి ప్రణాళిక వంటి పనులు చేపట్టనున్నట్టు ప్రకటించింది. 
 
మరోవైపు, టీఆర్ఎస్ పార్టీ గ్రేటర్ హైదరాబాద్ కార్పొరేటర్ అభ్యర్థుల తొలి జాబితాను విడుదల చేసింది. జీహెచ్ఎంసీ ఎన్నికల్లో పార్టీ తరపున పోటీ చేసే అభ్యర్థుల జాబితాను టీఆర్ఎస్ విడుదల చేసింది. మొత్తం 105 అభ్యర్థులతో తొలి జాబితా విడుదలైంది. 
 
కాగా, ఈ ఎన్నికల్లో తెరాస 110 స్థానాల్లో గెలవబోతోందని ముఖ్యమంత్రి కేసీఆర్ చెప్పారు. తమ సర్వేల్లో ఇది తేలిందని తెలిపారు. జీహెచ్ఎంసీ సర్వేలన్నీ తమకే అనుకూలంగా ఉన్నాయని చెప్పారు. టీఆర్ఎస్ నేతలకు ఏ డివిజన్‌లో బాధ్యతలను అప్పగించినా... పూర్తి బాధ్యత వహించి గట్టిగా పని చేయాలని అన్నారు. బీజేపీ చేస్తున్న విమర్శలను తిప్పికొట్టాలని పార్టీ శ్రేణులను ఆదేశించారు.
 
ఇకపోతే, ఈ ఎన్నికల్లో కాంగ్రెస్ పార్టీని పరిగణనలోకి తీసుకోవాల్సిన అవసరమే లేదన్నారు. కేంద్ర ప్రభుత్వ నిర్ణయాలకు వ్యతిరేకంగా రైల్వే, ఎల్ఐసీ సంస్థల్లో పని చేస్తున్న ఉద్యోగులను కలుపుకుని వెళ్లాలని సూచించారు. 
 
తెలంగాణ భవన్‌లో నిర్వహించిన పార్టీ సమావేశంలో కేసీఆర్ ఈ వ్యాఖ్యలు చేశారు. డిసెంబర్ రెండో వారంలో బీజేపీ వ్యతిరేక పార్టీల నేతలతో హైదరాబాదులో సమావేశం ఏర్పాటు చేస్తామని... మమతా బెనర్జీ, కుమారస్వామి, అఖిలేశ్ యాదవ్, స్టాలిన్ వంటి నేతలు ఈ సమావేశానికి హాజరవుతారని చెప్పారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

Nidhi Agarwal: ఆన్‌లైన్ బెట్టింగ్ యాప్స్ ప్రమోషన్‌లో చిక్కిన పవన్ హీరోయిన్ నిధి అగర్వాల్ (video)

Jwala Gutta: గుండె జారి గల్లంతయ్యిందేలో ఐటమ్ సాంగ్‌తో ఇబ్బంది పడ్డాను.. జ్వాలా గుత్తా

Keerthy Suresh సోషల్ మీడియాలో ట్రెండ్ అయిన కీర్తి సురేష్

Nag Ashwin: నాని, విజయ్ దేవరకొండ కాంబో సినిమా, కల్కి 2 గురించి నాగ్ అశ్విన్ ఏమన్నాడంటే

రొమాంటిక్ థ్రిల్లర్ గా కిల్లర్ ఆర్టిస్ట్ సినిమా: ప్రొడ్యూసర్ జేమ్స్ వాట్ కొమ్ము

అన్నీ చూడండి

ఆరోగ్యం ఇంకా...

కివీ పండు స్త్రీలు తింటే ఫలితాలు ఏమిటి?

హైదరాబాద్‌లో యువత ప్రమాదంలో ఉంది: స్ట్రోక్ కేసుల పెరుగుదల ముందస్తు జోక్యం కోసం అత్యవసర పిలుపు

Fennel Water: పరగడుపున సోంపు నీటిని తాగితే ఏంటి లాభం? ఎవరు తాగకూడదు..?

Banana: మహిళలు రోజూ ఓ అరటి పండు తీసుకుంటే.. అందం మీ సొంతం

అమెరికా తెలుగు సంబరాలు: తెలుగు రాష్ట్రాల సీఎంలకు నాట్స్ ఆహ్వానం

తర్వాతి కథనం
Show comments