హైదరాబాద్‌లో దారుణం- ఆస్తి కోసం తల్లిని కత్తితో పొడిచి చంపాడు

హైదరాబాద్‌లో దారుణం చోటుచేసుకుంది. తెల్లాపూర్ మునిసిపాలిటీలోని డివినో విల్లాస్‌లో ఒక విషాద సంఘటన స్థానికంగా కలకలం రేపింది. ఆస్తి విషయంలో జరిగిన తీవ్ర వాగ్వాదం తర్వాత 26 ఏళ్ల కార్తీక్ రెడ్డి తన తల్లి రాధిక రెడ్డి (52)ను కత్తితో పొడిచి చంపాడు. మద్యానికి బానిసైన కార్తీక్ ఆర్థిక విషయాలపై తరచుగా తన తల్లిదండ్రులతో గొడవ పడేవాడని స్థానికులు చెబుతున్నారు. 

సోమవారం తెల్లవారుజామున ఈ ప్రాణాంతక దాడి జరిగింది. కార్తీక్ రాధికను ఎనిమిది సార్లు కత్తితో పొడిచినట్లు తెలుస్తోంది. ఆమెను సమీపంలోని కార్పొరేట్ ఆసుపత్రికి తరలించారు కానీ చికిత్స పొందుతూ కొన్ని గంటల తర్వాత మరణించారు. పోలీసులు కార్తీక్‌ను అదుపులోకి తీసుకుని ఈ సంఘటనపై దర్యాప్తు కొనసాగిస్తున్నారు. కాగా, నిందితుడు మత్తు పదార్థాలు సేవిస్తూ, మద్యానికి బానిసైనట్లు సమాచారం.