పార్క్‌కు వస్తామంటారు..?

ప్రేమ అనేది స్త్రీ పురుషులను ఒకేసారి పలుకరించదు. ఐ లవ్యూ అని ఒకరి హృదయం పలికితే ఐ టూ లవ్యూ మరొకరి గుండె తలుపులు తెరవాలి. అలా అన్నప్పుడే ఇరు హృదయాల మధ్య ప్రేమ పరిచయం మొదలౌతుంది. అయితే ఐ టూ లవ్ చెప్పించుకోవడం అంత తేలికైన పనికాదు. ఈ మాటకోసం ప్రేమకున్న శక్తికి అనేక పరీక్షలు ఎదురవుతాయి. వాటన్నింటికీ సిద్ధం కావాలి. 

తాత్కాలిక ఆకర్షణా.. లేదంటే నిజమైన ప్రేమా అన్నది అవతలి వ్యక్తికి తెలుసుకునే సమయం కావాలి. అందుకోసం సదరు ప్రేమికుడు/ ప్రియురాలు మిమ్మల్ని ప్రత్యక్షంగా ఇబ్బంది పెట్టకపోయినా పరోక్షంగా మీ సహనాన్ని పరిపరి విధాలుగా పరీక్షిస్తారు. అదెలాగంటారా...

పార్క్‌కు వస్తామంటారు.. రారు

కౌగిలింతకు చేరువైనట్లే చేరువై... దూరమౌతారు

ముద్దు ముచ్చట్లకు ఓకేనంటారు... కానీ కట్ చేస్తారు

సినిమా.. షికార్లకు మీరు అనుకోని రోజుల్లోనే వారి సెలక్షెన్

మీరు ఎంతగానో ఇష్టపడి కోరుకున్నవాటన్నిటికీ ఊ... అంటారే తప్పించి ఊహు అనలేరు. కానీ.. ఊ.. అనడాన్ని మీరు అంగీకరిస్తున్నట్లుగా భావించరాదు. అది అర్థాంగీకారమే.. కనుక మీ ప్రేమ లోతును వారు కనుగొనేవరకు మీరు.. వారూ.. యూ అండ్ ఐ కి మాత్రమేనని తెలుసుకోవాలి. కాబట్టి ప్రేమించే వ్యక్తి ఇష్టాయిష్టాలు ఏమిటో తెలుసుకుని ప్రేమ అడుగులు వేయాలి.