నగ్నత్వం, అశ్లీలత ఒకటి కాదు.. ఫాతిమాకు ఆ కేసు నుంచి విముక్తి

కేరళ సామాజిక కార్యకర్త రెహానా ఫాతిమాకు కేరళ హైకోర్టు ఊరటనిచ్చింది. కొన్నేళ్ల క్రితం ఫాతిమా నెట్టింట షేర్ చేసిన ఓ వీడియో వివాదాస్పదమైంది. ఆ వీడియోలో పడుకుని ఫాతిమా తన శరీరం పైభాగంపై పెయింటింగ్ వేసుకున్నారు. ఈ కేసు నుంచి ఆమెకు విముక్తి లభించింది. 

ఫాతిమా తన దేహాన్ని పిల్లలకు కాన్వాస్‌గా ఉపయోగించిందే తప్ప లైంగిక ఉద్రేకాలను తృప్తి పరుచుకోడానికి తన పిల్లలను ఉపయోగించుకున్నట్టు భావించకూడదని తేల్చి చెప్పింది. ఈ కేసుకు సంబంధించి కేరళ హైకోర్టులో విచారణ జరిగింది. 

ఈ క్రమంలో హైకోర్టు న్యాయమూర్తి ఫాతిమాకు అనుకూలంగా తీర్పు ఇచ్చారు. కేసుల నుంచి ఆమెకు విముక్తి కల్పించిన న్యాయమూర్తి నగ్నత్వం, అశ్లీలత ఒకటి కాదని వ్యాఖ్యానించారు. మహిళలకు తమ శరీరాలపైనే హక్కులేకుండా పోతోందని.. ఈ విషయంలో వారికి ఎలాంటి నిర్ణయమైనా స్వతంత్రంగా తీసుకునే హక్కు వుందని కోర్టు స్పష్టం చేసింది.