ఇది మా ఇల్లు. పేర్లు మార్చి తప్పు చేయొద్దు.. రాజ్‌నాథ్ సింగ్ వార్నింగ్

ఇటీవల చైనా తమ వెబ్‌సైట్లలో అరుణాచల్ ప్రదేశ్‌లోని కొన్ని ప్రాంతాలకు పేరు మార్చింది. దీనిపై కేంద్ర హోం మంత్రి రాజ్‌నాథ్ సింగ్ ఘాటుగా స్పందించారు. అలాంటి పేరు మార్చడం వల్ల వారు ఏమీ పొందలేరు. నేను మన పొరుగువారికి చెప్పాలనుకుంటున్నాను, రేపు మనం వారి ప్రాంతాలు,  రాష్ట్రాలలో కొన్నింటిని పేరు మార్చినట్లయితే ఏమి చేయాలి? పేరు మార్చడం వల్ల ఆ స్థలాలు మనవే అవుతాయా? ఇది మా ఇల్లు. 

పేర్లు మార్చడం వల్ల మీరేం సాధించలేరు. తప్పు చేయకండి. ఇరు దేశాల మధ్య బంధాన్ని దెబ్బతీసేలా ప్రవర్తించొద్దు. మా ఆత్మగౌరవాన్ని దెబ్బ కొడితే, తిరిగి దెబ్బ కొట్టే సామర్థ్యం మాకుంది. చైనాకు అలాంటి అపోహలు ఉండకూడదు.. అని అరుణాచల్‌ప్రదేశ్‌లోని నంసాయ్‌లో జరిగిన బహిరంగ సభలో సింగ్ గట్టి వార్నింగ్ ఇచ్చారు.