ఒడిషా రాష్ట్రంలోని భువనేశ్వర్‌లో ఓ మహిళా వైద్యురాలు అత్యాచారానికి గురైంది. ఫుడ్‌డెలివరీ చేసేందుకు వచ్చిన ఓ డెలివరీ బాయ్ ఈ దారుణానికి పాల్పడ్డాడు. ఈ కామాంధుడు డాబా యజమాని కుమారుడు కావడం గమనార్హం.
తాజాగా వెలుగులోకి వచ్చిన ఈ వివరాలను పరిశీలిస్తే, రాష్ట్రంలోని అంగూల్ జిల్లా చెండిపద ఏరియాలోని దాబా యజమాని కుమారుడు సుకుంత బెహ్రా (35) రాత్రి 11 గంటల సమయంలో ఫుడ్ డెలివరీ ఇచ్చేందుకు ఓ మహిళా డాక్టరు ఇంటికి వచ్చాడు.
మహిళా వైద్యురాలు ఒంటరిగా ఉండటం చూసిన సుకుంత బెహ్రా ఆమెపై అత్యాచారం చేసి పారిపోయాడు. మహిళా వైద్యురాలు తన క్వార్టరులో నివాసముండగా ఆమెపై సుకుంత అఘాయిత్యం చేశాడు.
తన సోదరుడు ఇంటికి రాగానే.. మహిళా వైద్యురాలు జరిగిన విషయాన్ని చెప్పింది. ఆ తర్వాత ఈ ఘటనపై మహిళా డాక్టర్, ఆమె సోదరుడు కలిసి పోలీసులకు ఫిర్యాదు చేశారు. దీంతో బెహరాపై కేసు నమోదు చేసి అరెస్ట్ చేసినట్లు అంగూల్ జిల్లా పోలీసులు తెలిపారు. బాధితురాలిని పరీక్షల నిమిత్తం ఆసుపత్రికి తరలించామన్నారు.