ఫేస్‌బుక్ సొంత నగరం.. 59 ఎకరాల స్థలంలో విల్లో పార్క్

ఫేస్‌బుక్ తన సామ్రాజ్యాన్ని విస్తరిస్తోంది. సిలికాన్ వ్యాలీలో తన ప్రధాన కార్యాలయం పక్కనే సొంత నగరాన్ని నిర్మించాలని యోచిస్తోంది, ఈ నగరానికి ‘విల్లో పార్క్’ అనే పేరు పెట్టినట్లుగా తెలుస్తోంది. ఓక్లాండ్ ఆధారిత సిగ్నేచర్ డెవలప్‌మెంట్ గ్రూప్‌తో కలిసి 59 ఎకరాల స్థలంలో విల్లో పార్క్ సిటీని డెవలప్‌ చేసేందుకు ప్లాన్ చేస్తుంది.

మొత్తం 1,729 అపార్ట్‌మెంట్‌లతో పాటు 193 గదులతో ఓ పెద్ద హోటల్‌, సూపర్‌ మార్కెట్‌, షాపింగ్‌ కాంప్లెక్స్‌, 1.25 మిలియన్ చదరపు అడుగుల కొత్త ఫేస్‌బుక్ ఆఫీస్ నిర్మించేందుకు ఇప్పటికే ప్లాన్ రెడీ చేసింది. ఇక్కడ ఆఫీస్‌లో ఏడు వేల మంది ఉద్యోగులు ఉండగా.. వారికి ఈ నిర్మాణాల్లో వసతి కల్పించనున్నారు. భవనాల ప్రణాళికను మేలో క్రియేట్ చెయ్యగా.. దీనిని విల్లో పార్క్ అని పిలుస్తున్నారు.

ఫేస్‌బుక్ దాని వెనుక ఉన్నప్పటికీ, అన్నీ హౌసింగ్ యూనిట్లు ఫేస్‌బుక్ ఉద్యోగుల కోసం మాత్రమే కాదు.. భారీ ఖర్చుతో రియల్‌ వరల్డ్‌లో అధ్భుతంగా నిర్మిస్తోన్న ఈ నగరం.. ఊహాతీతంగా ఉంటుందని చెబుతున్నారు. 'రియల్‌లైఫ్‌' కమ్యూనిటీ కోసం ఈ నగరాన్ని నిర్మిస్తున్నట్లు ఫేస్‌బుక్ చెబుతుంది. కొత్తగా కట్టే ఆఫీస్‌లో మూడున్నరవేల మంది పనిచేందుకు వీలు కల్పించనున్నారు. ఆఫీస్‌ ప్రాంగణంలో కేవలం ఫేస్‌బుక్‌ ఎంప్లాయిస్‌ మాత్రమే తిరిగేందుకు వీలు ఉంటుంది.