దేశంలోని ప్రైవేట్ టెలికాం రంగంలో అగ్రగామిగా ఉన్న జియో ఇపుడు తన మొబైల్ వినియోగదారుల కోసం సరికొత్త ప్లాన్‌ను ప్రకటించింది. ఇందులోభాగంగా రూ.151కే సరికొత్త ప్లాన్‌ను ప్రకటించింది. ఈ ప్లాన్ తీసుకున్నవారికి మూడు నెలల పాటు డిస్నీ ప్లస్ హాట్స్టార్ సబ్‌స్క్రిప్షన్‌ను ఉచితంగా ఇవ్వనుంది. అయితే, రూ.151 ప్లాన్ కేవలం డేటా ప్యాక్ ప్లాన్ మాత్రమే.
మొత్తం 90 రోజుల కారపరిమితితో 8 జీబీ డేటాను ఉచితంగా అందివ్వనుంది. అయితే, ఏదైనా సాధారణ ప్లాన్‌పై కొనసాగుతున్నపుడు మాత్రమే ఈ డేటా ప్లాన్‌ను కొనుగోలు చేసే అవకాశం ఉంటుంది. ఈ ప్లాన్ మాత్రమ కాకుండా, రూ.333, రూ.583, రూ.783 ప్లాన్లను కూడా జియో ప్రకటించింది. వీటన్నింటిలోనూ మూడు నెలల కాలపరిమితితో డిస్నీ ప్లస్ హాట్స్టార్ సబ్‌స్క్రిప్షన్ లభించనుంది.