ఇటీవలే అన్ని టెలికం కంపెనీలు భారీగా రీచార్జి ధరలను పెంచేశాయి. వినియోగదారులపై భారం మోపాయి. రిలయన్స్ జియో, ఎయిర్ టెల్, వొడాఫోన్-ఐడియా కంపెనీలు టారిఫ్ ధరలను పెంచేశాయి. ఇలాంటి పరిస్థితుల్లో వినియోగదారులను ఆకట్టుకునేందుకు బీఎస్ఎన్ఎల్ సరికొత్త ప్లాన్లు తీసుకొచ్చింది.
ఇంకా కొత్త డేటా ప్లాన్లతో బీఎస్ఎన్ఎల్ వినియోగదారులను ఆకట్టుకునేందుకు సిద్ధమవుతోంది. తక్కువ ధరలోనే ఎక్కువ డేటా అందించేందుకు కొన్ని దీర్ఘకాల ప్రీపెయిడ్ ప్లాన్లు తీసుకొచ్చింది. కొత్తగా తీసుకొచ్చిన ప్లాన్లలో రూ.599 అందరినీ అట్రాక్ట్ చేస్తోంది. ఈ ప్లాన్ కింద ప్రతిరోజు 5 జీబీ డేటా, అన్లిమిటెడ్ కాల్స్, రోజూ 100 ఎస్ఎంఎస్లు అందుతాయి. వీటితో పాటు జింగ్మ్యూజిక్ను ఉచితంగా పొందవచ్చు.
ఇక అర్ధరాత్రి 12 గంటల నుంచి ఉదయం ఐదింటి వరకు అన్లిమిటెడ్ డేటా అందిస్తోంది. ఇన్ని ఆఫర్లు ఉన్న ప్లాన్ వ్యాలిడిటీ ఏకంగా 84 రోజులు. ఈ ధరలో ఇన్ని ఫీచర్లు ఉన్న ప్లాన్ మరే టెలికాం సంస్థ అందించడం లేదని బీఎస్ఎస్ఎల్ ఓ ప్రకటనలో వెల్లడించింది.