ఒక్క ఐడియా జీవితాన్ని మార్చేస్తుందన్నట్లు.. ఒక్క చిన్న తప్పు అమేజాన్ కొంపముంచింది. భారీ నష్టాల పాలయ్యేలా చేసింది. రూ.లక్షలు చేసే కెమెరాను ఫోనును కేవలం రూ.6500కే విక్రయించాల్సిన పరిస్థితి వచ్చింది. పైగా, ఫోను కోసం కస్టమర్లు ఎగబడి ఆర్డరిచ్చారు. ఇపుడు వీరందరికీ ఆ ఫోనును సరఫరా చేయాల్సిన పరిస్థితి ఏర్పడింది.
అసలు అమేజాన్ చేసిన చిన్న పొరపాటు ఏంటో ఓసారి పరిశీలిద్ధాం. గత వారం అమెజాన్, ప్రైమ్ డే సేల్‌‌ను నిర్వహించింది. ఇందులో 13 వేల డాలర్లు (సుమారు రూ.9 లక్షలు) విలువైన ఓ కెమెరా రేటును 94 డాలర్లు (సుమారు రూ.6500) అని పొరపాటును ప్రకటించింది. ఈ ధరకే ఓ వినియోగదారుడు కొనుగోలు చేశాడు. ఈ విషయాన్ని అతను సోషల్ మీడియాలో పోస్ట్ చేశాడు. అంతే... ఒక్కసారిగా లక్షలాది మంది కస్టమర్లు ఆ కెమెరాను కొనుగోలు చేసేందుకు ఎగబడ్డారు.
అమేజాన్ టెక్నికల్ వైఫల్యంతో, ఫ్యుజి, కెనాన్, సోనీ వంటి కంపెనీల ఖరీదైన కెమెరాలు అతి తక్కువ ధరకు అమ్ముడయ్యాయి. రూ.3 వేల నుంచి 5 వేల డాలర్ల వరకూ ఉన్న కెమెరాలు, 100 డాలర్లకులోపే లభించాయి. దీనిపై స్పందించిన అమెజాన్, సైట్‌‌లో చోటుచేసుకున్న సాంకేతిక సమస్య కారణంగా ఈ తప్పు జరిగిందని తెలిపింది. ఇక వీరికి కెమెరాలను పంపిస్తారా? అన్న విషయమై సంస్థ ఇంకా ఏమీ తేల్చలేదు.