ఇప్పుడు చూస్కోండి అంటూ గౌను పైకెత్తేసిన యువతి... ఎందుకంటే?

రష్యాలో ఒక యువతి చేసిన పని అందరినీ ఆశ్చర్యానికి గురిచేసింది. బాగా రద్దీగా ఉండే ప్రదేశంలో సదరు యువతి తన దుస్తులను పైకి ఎత్తి లోదుస్తులు కనిపించేలా ఒక వీడియోని తీసి అందరికీ షేర్ చేసింది. ఈ ఘటన సెయింట్ పీటర్స్‌బర్గ్ సబ్‌వేలో జరిగింది. 

సాధారణంగా స్త్రీలు కురచ దుస్తులు ధరించినప్పుడు, వారికి తెలియకుండా కొంతమంది ఆకతాయిలు వారి ఫోటోలు తీసే క్రమంలో పొరపాటున కనిపిస్తున్న వారి లోదుస్తులపై ఫోకస్ పెట్టడం రష్యాలో ఓ జాడ్యంలా మారింది. అలాంటి వక్రదృష్టితో చూసేవారికి బుద్ధి చెప్పాలనుకున్న ఒక రష్యన్ విద్యార్థిని అన్నా డోవ్‌‌గల్‌యుక్ సెయింట్ పీటర్స్‌బర్గ్ సబ్‌వేలో తన నిరసన తెలిపేందుకు అప్‌స్కర్టింగ్ అని పిలవబడే నిరసనలో భాగంగా తన ఎర్రటి పైదుస్తులను రెండు చేతులతో పైకి ఎత్తి లోదుస్తులు కనిపించేలా కెమెరా ముందు నిలుచుంది.

ఈ వీడియోని స్కర్ట్‌ల కింద ఏముంది అని చూసే వారందరికీ అంకితం అంటూనే, అలాంటి వాళ్ల వల్ల ఇబ్బందులు ఎదుర్కొన్న ఎందరో స్త్రీల తరపున తాను అలా నిల్చున్నట్లు, తన లాంటి వారి నుండి దూరంగా ఉండాలంటూ పేర్కొంది. ఇలాంటి ఉదాహరణ ద్వారా అయినా అప్‌స్కర్టింగ్‌ని నేరంగా పరిగణించాలంటూ అధికారులను కోరుకుంటోంది.