అమెరికా దళాలు తట్టాబుట్టా సర్దేశాయి. ఆప్ఘనిస్థాన్‌ను వీడాయి. దీంతో తాలిబన్ల అరాచకానికి హద్దు లేకుండా పోయింది. ఇప్పటివరకు మహిళల హక్కులపై ఉక్కుపాదం మోపుతున్న తాలిబన్లు.. ఇప్పుడు స్వలింగ సంపర్కులను వెంటాడుతున్నారు.
తాజాగా దేశాన్ని విడిచి వెళ్లేందుకు ప్రయత్నించిన ఓ స్వలింగ సంపర్కుడిపై తాలిబన్లు దాడి చేసి విచక్షణారహితంగా కొట్టారు. అంతటితో ఆగకుండా ఆ వ్యక్తిపై అత్యాచారానికి పాల్పడి తమ పైశాచికత్వాన్ని చాటుకున్నారు.
అప్ఘానిక్ చెందిన బాధిత స్వలింగ సంపర్కుడు ఇటీవల దేశం దాటి వెళ్లేందుకు ఒకరి సహాయం కోరారు. అయితే, తాను సంప్రదింపులు జరిపిన ఆ వ్యక్తి తాలిబన్ మనిషేనని తెలుకోలేకపోయాడు.
ఈ క్రమంలోనే ఇద్దరు తాలిబన్లు ఆ స్వలింగసంపర్కుడిపై దాడికి చేసి రేప్ చేశారు. ఈ ఘటనతో అక్కడి స్వలింగ సంపర్కులు హడలెత్తిపోతున్నారు.