రష్యాలో కూలిన హెలికాఫ్టర్ - 8 మంది గల్లంతు

రష్యాలో గురువారం తెల్లవారుజామున విషాదకర ఘటన ఒకటి చోటుచేసుకుంది. కొంతమంది పర్యాటకులతో వెళ్తున్న ఎంఐ-8 హెలికాప్టర్‌ ఉన్నట్టుండి కూలిపోయింది. తూర్పు ప్రాంతంలోని కమ్చట్కాలో ద్వీపకల్పంలోని కురిల్ సరస్సులో హెలికాప్టర్‌ కూలినట్లు అధికారులు వెల్లడించారు. ఇందులో 13 మంది ప్రయాణీకులతోపాటు, ముగ్గురు సిబ్బంది ఉన్నారు. 

వీరిలో తొమ్మిది మందిని రక్షించినట్టు అధికారులు ప్రకటించారు. మరో 8 మంది గల్లంతయ్యారు. గల్లంతైన వారి కోసం రక్షక దళాలు గాలిస్తున్నాయి. సెర్చ్ ఆపరేషన్ కొనసాగుతోందని అధికారులు చెప్పారు. 

కాగా, ఈ హెలికాఫ్టర్ సెయింట్ పీటర్స్‌బర్గ్ నుండి అగ్నిపర్వతం సైట్ సీయింగ్‌కు పర్యాటకులను తీసుకువెళుతోందని స్టేట్ న్యూస్ ఏజెన్సీ ఆర్‌ఐఏ నివేదించింది. ముగ్గురు సిబ్బందితోపాటు స్థానిక పర్యాటకులు ఇందులో ప్రయాణిస్తున్నారన్నారు. రెస్క్యూ బృందాలు, గజ ఈతగాళ్ల సహాయంతో గాలింపు కొనసాగుతోందని ఆరోగ్యమంత్రిత్వ శాఖ తెలిపింది.