మద్యం త్రాగడం వల్ల ఆరోగ్యం దెబ్బతింటుందని చాలా మంది భావిస్తారు. కానీ తగిన మోతాదులో త్రాగితే ఎన్నో ప్రయోజనాలను అందిస్తుంది. రోజూ ఒక గ్లాసు త్రాగితే ఆరోగ్య ప్రయోజనాలతో పాటు అందం కూడా మెరుగుపడుతుందని నిపుణులు చెబుతున్నారు. ముఖ్యంగా రెడ్ వైన్ త్రాగడం వల్ల అనేక ప్రయోజనాలు ఉన్నాయి. ఇందులో ఉండే ఎలాజిక్ ఆమ్లం కొవ్వు కణాల వృద్ధి రేటును తగ్గిస్తుంది, తద్వారా బరువు తగ్గవచ్చు.
టైప్ 2 డయాబెటిస్‌ను కూడా ఇది నివారిస్తుంది. అయితే దీనిని తక్కువ పరిమాణంలో తీసుకోవాలని నిపుణులు చెబుతున్నారు. రెడ్ వైన్‌లో ఉండే టానిన్‌లు శరీరంలోకి ప్రవేశిస్తే గుండె జబ్బులు వచ్చే అవకాశాలు తగ్గుతాయని పరిశోధనల్లో తేలింది. కాబట్టి ఎవరైనా రెడ్ వైన్‌ను తాగొచ్చు. దీన్ని త్రాగడం వల్ల రక్త సరఫరా కూడా మెరుగుపడుతుంది. రెడ్‌వైన్‌ను త్రాగడం వల్ల శరీరం కాంతివంతంగా మారుతుంది.
ముఖ కండరాలు వదులవుతాయి. మరింత ఆకర్షణీయంగా కనిపిస్తారు. నిద్రలేమి సమస్యతో బాధపడేవారు పడుకునే ముందు ఒక గ్లాసు రెడ్ వైన్ త్రాగితే నిద్ర బాగా పడుతుందని విశ్లేషకులు చెబుతున్నారు. అయితే, ఇన్ని విధాలుగా ప్రయోజనాలు ఉన్నాయని రెడ్ వైన్ ఎక్కువగా తీసుకుంటే ఎక్కువ ఫలితాలు పొందవచ్చని భావించకూడదు. పరిమితంగా తీసుకోవాలి.