Webdunia - Bharat's app for daily news and videos

Install App

క్రికెట్‌ కెరీర్‌కు స్వస్తి చెప్పిన విధ్వంసక వీరుడు...

క్రికెట్ నుంచి మరో సీనియర్ క్రికెటర్ గుడ్‌బై చెప్పాడు. ఆ క్రికెటర్ పేరు ఏబీ డివిలియర్స్. దేశం దక్షిణాఫ్రికా. అంతర్జాతీ క్రికెట్ కెరీర్‌కు స్వస్తి చెపుతున్నట్టు అధికారికంగా ప్రకటించాడు. ఈ మేరకు బుధవారం

Webdunia
బుధవారం, 23 మే 2018 (18:30 IST)
క్రికెట్ నుంచి మరో సీనియర్ క్రికెటర్ గుడ్‌బై చెప్పాడు. ఆ క్రికెటర్ పేరు ఏబీ డివిలియర్స్. దేశం దక్షిణాఫ్రికా. అంతర్జాతీ క్రికెట్ కెరీర్‌కు స్వస్తి చెపుతున్నట్టు అధికారికంగా ప్రకటించాడు. ఈ మేరకు బుధవారం తన రిటైర్మెంట్‌ను ప్రకటిస్తూ ఓ వీడియో రిలీజ్ చేశాడు. ఇంటర్నేషనల్ క్రికెట్ నుంచి రిటైరవుతున్నానని.. 114 టెస్టులు, 228 వన్డేలు ఆడినట్లు చెప్పాడు. యువకులు అవకాశం ఇవ్వాల్సిన సమయం వచ్చిందన్న ఏబీ.. తాను చాలా అలసిపోయానన్నాడు.
 
దీనిపై ఆయన స్పందిస్తూ, నిజానికి ఇది తన జీవితంలో తీసుకునే అత్యంత కఠిన నిర్ణయం. ఈ నిర్ణయం తీసుకునేందుకు చాలా రోజులుగా ఆలోచన చేసి, చివరకు ఈ నిర్ణయానికి వచ్చాను. మంచి ఫామ్‌‌లో ఉన్నపుడే తప్పుకోవాలని అనుకున్నాను. భారత్, ఆస్ట్రేలియాలపై సిరీస్‌ గెలిచిన తర్వాత కెరీర్‌కు స్వస్తి చెప్పేందుకు ఇదే సరైన సమయమని భావించి, ఈ నిర్ణయాన్ని వెల్లడిస్తున్నట్టు ప్రకటించాడు. 
 
ఈ సందర్భంగా 14 ఏళ్లుగా తనకు మద్దతుగా నిలిచిన కోచ్‌‌లు, ఇతర సహాయక సిబ్బందికి కృతజ్ఞతలు తెలిపాడు. జట్టు సహచరులకు చాలా ధన్యవాదాలని చెప్పాడు. పైగా, జట్టు సహచరుల మద్దతు లేకుండా ఈ స్థాయికి వచ్చేవాడినే కాదన్నాడు. సంపాదించడం పక్కనపెడితే బాగా అలసిపోయానని.. ఇక నావల్ల కాదు అనిపించిందన్నాడు. అయితే దేశీయంగా టైటాన్స్ టీమ్‌‌కు మాత్రం ఆడతానని డివిలియర్స్ వెల్లడించాడు. 
 
కాగా, క్రికెట్‌‌లో డివిలియర్స్‌‌కు అద్భుతమైన రికార్డులు ఉన్నాయి. వన్డేల్లో ఫాస్టెస్ట్ హాఫ్ సెంచరీ (16 బాల్స్), ఫాస్టెస్ట్ సెంచరీ (31 బాల్స్), ఫాస్టెస్ట్ 150 (64 బాల్స్) రికార్డులు ఏబీ పేరిటే ఉన్నాయి. సౌతాఫ్రికా తరపున టెస్టుల్లో రెండో అత్యధిక టెస్ట్ స్కోరు (278 నాటౌట్) కూడా అతని పేరిటే ఉంది. ఇక ఐసీసీ టెస్ట్ ర్యాంకుల్లో అత్యధిక పాయింట్లు (935) సాధించిన సౌతాఫ్రికా క్రికెటర్ కూడా అతడే. 
 
ఇకపోతే, 114 టెస్టుల్లో 50.66 సగటుతో 8,765 రన్స్ చేశాడు. అందులో 22 సెంచరీలు ఉన్నాయి. 228 వన్డేల్లో 53.50 సగటుతో 9,577 పరుగులు చేశాడు. 34 ఏళ్ల డివిలియర్స్ సౌతాఫ్రికా తరపున 114 టెస్టులు, 228 వన్డేలు, 78 టీ20లు ఆడాడు. ఐపీఎల్‌లో ఆర్సీబీ తరుపున ఆడిన ఏబీ..ఆకట్టుకున్న విషయం తెలిసిందే. 

సంబంధిత వార్తలు

అన్నీ చూడండి

తాజా వార్తలు

ఆగ్నేయాసియా దేశాలను వణికించిన భూకంపం.. మయన్మార్‌లో 153కి చేరిన మృతులు

ఆరుముళ్లతో ఒక్కటైన ట్రిపుల్: జీవితాంతం అంత ఈజీ కాదురా బాబ్జీ (video)

హైదరాబాద్‌ను ఎవరు డెవలప్ చేశారని గూగుల్ అంకుల్‌‌ను అడగండి? సీఎం చంద్రబాబు

మయన్మార్‌లో భారీ భూకంపం.. పెరుగుతున్న మృతుల సంఖ్య

ఎన్‌కౌంటర్‌ నుంచి తప్పించుకున్నా... ఇది పునర్జన్మ : మంత్రి సీతక్క (Video)

అన్నీ చూడండి

టాలీవుడ్ లేటెస్ట్

జీవితంలో నియమ నిబంధనలు నాకు అస్సలు నచ్చవ్ : సమంత

బెట్టింగ్ యాప్స్‌ను ప్రమోటింగ్ కేసు : విష్ణుప్రియకు షాకిచ్చిన తెలంగాణ హైకోర్టు

Kalyan ram: అర్జున్ S/O వైజయంతి లో కళ్యాణ్ రామ్ డాన్స్ చేసిన ఫస్ట్ సింగిల్

మీ చెల్లివి, తల్లివి వీడియోలు పెట్టుకుని చూడండి: నటి శ్రుతి నారాయణన్ షాకింగ్ కామెంట్స్

Modi: ప్రధానమంత్రి కార్యక్రమంలో ట్రెండీ లుక్‌ లో విజయ్ దేవరకొండ

తర్వాతి కథనం
Show comments