చర్మం మెరిసిపోతుంది... ఈ ఐదు చిట్కాలు పాటిస్తే...

ఈ రోజుల్లో తక్కువ వయస్సులోనే చాలామంది వయసు మీద పడినట్లు కనిపిస్తున్నారు. తీసుకునే ఆహారంలో చర్మ ఆరోగ్యాన్ని పెంచే ఆహారాలు లేకపోవడం, కాలుష్యం వంటి కారణాల వల్ల చర్మం పొడిబారడం, తక్కువ వయసులోనే ముడతలు పడటం వల్ల కాంతిహీనంగా తయారవుతుంది. అయితే యాంటీ ఏజింగ్

ఈ రోజుల్లో తక్కువ వయస్సులోనే చాలామంది వయసు మీద పడినట్లు కనిపిస్తున్నారు. తీసుకునే ఆహారంలో చర్మ ఆరోగ్యాన్ని పెంచే ఆహారాలు లేకపోవడం, కాలుష్యం వంటి కారణాల వల్ల చర్మం పొడిబారడం, తక్కువ వయసులోనే ముడతలు పడటం వల్ల కాంతిహీనంగా తయారవుతుంది. అయితే యాంటీ ఏజింగ్ మరియు యాంటీ ఆక్సీడెంట్స్ లక్షణాలు కలిగిన కూరగాయలు, పండ్లు తీసుకోవడం వల్ల చర్మం ఆరోగ్యంగా ఉండడంతో పాటు చర్మంపై ముడతలు, చర్మం వదులుగా మారడం వంటి లక్షణాలు తగ్గుతాయి. అవేంటో ఇప్పుడు చూద్దాం.

1. కివీ పండు విటమిన్-సి తోపాటు యాంటీ ఆక్సీడెంట్‌ను సమృద్ధిగా కలిగి ఉంది. ఇది చర్మానికి కావలసిన పోషకాలను అందించి చర్మం మీద ముడతలను నివారిస్తుంది. ఇందులో ఉండే యాంటీ ఏజింగ్ లక్షణాలు చర్మాన్ని కాంతివంతంగా మారుస్తాయి.

2. తరచుగా దానిమ్మ గింజలు మరియు దానిమ్మ జ్యూస్ తీసుకోవడం వల్ల ఇది చర్మ కణాలకు కావలసిన పోషకాలను అందిస్తుంది. దానిమ్మ చర్మాన్ని బిగుతుగా మార్చే యాంటీ ఏజింగ్ లక్షణాలను సమృద్ధిగా కలిగి ఉంది. ఇది మీ చర్మానికి కావలసిన పోషణను అందించి అందం, మంచి గ్లోయింగ్ వచ్చేలా సహాయపడుతుంది.

3. పుచ్చకాయ చర్మానికి కావలసిన పోషకాలను అందించి చర్మం ముడతలు పడకుండా నివారిస్తుంది. ఇది చర్మానికి కావలసిన తేమను అందించి డీహైడ్రేషన్ బారిన పడకుండా చూస్తుంది. పుచ్చకాయ గింజల్లో కూడా చర్మ సౌందర్యానికి కావలసిన పోషకాలు పుష్కలంగా ఉన్నాయి.

4. ద్రాక్ష కూడా చర్మ సౌందర్యాన్ని పెంచడంలో ఎంతో దోహదపడుతుంది. ఇందులో ఉండే మాంగనీస్ అల్ట్రావయోలెట్ రేడియేషన్స్‌తో పోరాడుతుంది. ఇందులో ఉండే యాంటీ ఆక్సిడెంట్ ఫ్రీరాడికల్స్‌తో పోరాడి వయసు పెరగడం వలన వచ్చే చర్మ లక్షణాలను తగ్గిస్తుంది.

5. యాపిల్‌లో చర్మం ముడతల సమస్యను ఎదుర్కొనే లక్షణాలు అధికంగా ఉన్నాయి. తరచుగా యాపిల్‌ని తిన్నా లేదా యాపిల్ గుజ్జును చర్మానికి అప్లై చేసుకున్నా వృద్ధాప్యపు గుర్తులను తగ్గించుకోవచ్చు. ఇందులో ఉన్న పోషకాలు మరియు యాంటీ ఏజింగ్ లక్షణాలు చర్మాన్ని తాజాగా ఉంచుతాయి.