22-10-2024 మంగళవారం దినఫలితాలు - దంపతుల మధ్య అవగాహన నెలకొంటుంది...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

అవిశ్రాంతంగా శ్రమిస్తారు. పనులు సానుకూలమవుతాయి. ఖర్చులు సామాన్యం. ఆప్తులకు సాయం చేస్తారు. కొత్త వ్యక్తులతో జాగ్రత్త. బ్యాంకు వివరాలు గోప్యంగా ఉంచండి. సన్నిహితులతో సంభాషిస్తారు. దంపతుల మధ్య అవగాహన నెలకొంటుంది.

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

మీ నమ్మకం, కృషి ఫలిస్తాయి. లక్ష్యాన్ని సాధిస్తారు. పత్రాల రెన్యువల్లో మెలకువ వహించండి. రోజువారీ ఖర్చులే ఉంటాయి. పనులు పురమాయించవద్దు. విలువైన వస్తువులు జాగ్రత్త. పాత పరిచయస్తులు తారసపడతారు. సేవా కార్యక్రమాల్లో పాల్గొంటారు.

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

మాటతీరుతో ఎదుటివారిని ఆకట్టుకుంటారు. ధనలాభం ఉంది. ప్రణాళికలు వేసుకుంటారు. పనులు చురుకుగా సాగుతాయి. అప్రమత్తంగా ఉండాలి. ఇతరుల విషయాల్లో జోక్యం తగదు. కొత్త యత్నాలకు శ్రీకారం చుడతారు. అవకాశాలు కలిసివస్తాయి.

కర్కాటకం : పునర్వసు 4వ పాదం, పుష్యమి, ఆశ్లేష

వ్యూహాత్మకంగా అడుగులేస్తారు. కొత్త పరిచయాలేర్పడతాయి. ఖర్చులు సామాన్యం. పనులు సకాలంలో పూర్తి చేస్తారు. దంపతుల మధ్య ఏకాభిప్రాయం నెలకొంటుంది. పత్రాలు అందుకుంటారు. ఆరోగ్యం కుదుటపడుతుంది. వివాదాలు పరిష్కారమవుతాయి. 

సింహం : మఖ, పుబ్బ, ఉత్తర 1వ పాదం

మంచి చేయబోతే చెడు ఎదురవుతుంది. అవగాహన లేని విషయాలకు దూరంగా ఉండండి. ఖర్చులు అంచనాలను మించుతాయి. పనులు హడావుడిగా సాగుతాయి. ఉద్యోగ బాధ్యతల్లో ఏకాగ్రత వహించండి. ప్రలోభాలకు లొంగవద్దు. కొత్త వ్యక్తులతో జాగ్రత్త. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

కార్యసిద్ధికి మరింత శ్రమించాలి. ఎవరి సాయం ఆశించవద్దు. ఊహించని ఖర్చులు ఆందోళన కలిగిస్తాయి. పనులు మొండిగా పూర్తి చేస్తారు. దంపతుల మధ్య అకారణ కలహం సన్నిహితులతో నజిసంభాషిస్తారు. ఒక సమాచారం ఉపశమనం కలిగిస్తుంది. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

సంప్రదింపులు ఫలిస్తాయి. చాకచక్యంగా వ్యవహరిస్తారు. అంచనాలు ఫలిస్తాయి. ఖర్చులు భారమనిపించవు. అపరిచితులతో జాగ్రత్త. గృహమరమ్మతులు చేపడతారు. బంధుత్వాలు, పరిచయాలు బలపడతాయి. వృత్తి ఉపాధి పథకాల్లో నిలదొక్కుకుంటారు. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

దుబారా ఖర్చులు తగ్గించుకుంటారు. పెట్టుబడులు కలిసిరావు. పెద్దలతో సంప్రదింపులు జరుపుతారు. మీ అభిప్రాయాలను స్పష్టంగా తెలియజేయండి. అప్రియమైన వార్త వినవలసి వస్తుంది. కార్యక్రమాలు సాగవు. పందాలు, బెట్టింగుల జోలికి పోవద్దు. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

వ్యవహార జయం పొందుతారు. అవకాశాలు కలిసివస్తాయి. ప్రముఖులకు సన్నిహితులవుతారు. కష్టమనుకున్న పనులు తేలికగా పూర్తిచేస్తారు. ఖర్చులు విపరీతం. నగదు డ్రా చేసేటపుడు జాగ్రత్త. ఉద్యోగస్తులకు ఒత్తిడి, పనిభారం. పుణ్యకార్యంలో పాల్గొంటారు. 

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

ప్రతికూలతలను ధైర్యంగా ఎదుర్కుంటారు. రావలసిన ధనం అందుతుంది. ఇంటి విషయాలపై శ్రద్ధ వహిస్తారు. పనులు, బాధ్యతలు అప్పగించవద్దు. పొగిడే వ్యక్తులను ఓ కంట కనిపెట్టండి. కీలక పత్రాలు అందుతాయి. సన్మాన, సంస్కరణ కార్యక్రమాల్లో పాల్గొంటారు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

ప్రముఖులతో పరిచయాలేర్పడతాయి. బాధ్యతలు స్వీకరిస్తారు. పనులు తేలికగా పూర్తిచేస్తారు. ఖర్చులు విపరీతం. నగదు డ్రా చేసేటపుడు జాగ్రత్త. పెద్దల ఆరోగ్యం ఆందోళన కలిగిస్తుంది. ఆప్తులతో సంప్రదింపులు జరుపుతారు. నిరుద్యోగుల కృషి ఫలిస్తుంది. 

మీనం : పూర్వాబాద్ర 4వ పాదం, ఉత్తరాబాద్ర, రేవతి

వ్యూహాత్మకంగా అడుగులేస్తారు. రావలసిన ధనం అందుతుంది. ఖర్చులు భారమనిపించవు. పనులు, బాధ్యతలు అప్పగించవద్దు. సంతానం విజయం సంతోషం కలిగిస్తుంది. ఆత్మీయులతో ఉల్లాసంగా గడుపుతారు. ఎదురుచూస్తున్న పత్రాలు అందుతాయి.