సీఎం జగన్‌పై అసభ్యకర పోస్టు.. సీమ వాసి అరెస్టు

ఏపీ ముఖ్యమంత్రి వైఎస్. జగన్ మోహన్ రెడ్డి గురించి అసభ్యకర పోస్టు పెట్టిన రాయలసీమ ప్రాంతానికి చెందిన ఓ యువకుడిపై పోలీసులు కేసు నమోదు చేసి అరెస్టు చేశారు. ఈ సంఘటన తాజాగా జరిగింది. ఈ వివరాలను పరిశీలిస్తే, 

ముఖ్యమంత్రి వైఎస్‌ జగన్‌మోహన్‌ రెడ్డి‌పై గడేకల్లుకు చెందిన రాజేష్‌ ఈ నెల 12న ఫేస్‌బుక్‌లో అసభ్యకరమైన వీడియోను పోస్ట్‌ చేశాడు. ఈ విషయం ఐటీ అధికారుల దృష్టికి వెళ్లింది. దీంతో రాజేష్‌ను బుధవారం రాత్రి విడపనకల్లులో అరెస్ట్‌ చేశారు. 

అసభ్యకర పోస్టులు పెట్టినందుకు గాను రాజేశ్‌పై ఐపీసీ 59/19 యూ/505(2), 507, 153ఎ సెక్షన్ల కింద కేసు నమోదు చేసినట్లు తెలిపారు. మెజిస్ట్రేట్‌ ఎదుట హాజరుపరచగా నిందితుడికి రిమాండ్‌ విధించారని ఎస్‌ఐ గోపీ బుధవారం తెలిపారు.