ఇంట్లో నిద్రిస్తున్న మానసిక వికలాంగురాలిపై ఓ యువకుడు లైంగికదాడికి పాల్పడ్డాడు. ఈఘటన తెలంగాణ రాష్ట్రంలోని యాదాద్రి భువనగిరి జిల్లాలో దారుణం జరిగింది. ఈ వివరాలను పరిశీలిస్తే,
భువనగిరి జిల్లా వలిగొండ మండల కేంద్రంలోని విద్యానగర్ కాలనీకి చెందిన సరిగడ లింగయ్య, సరోజ దంపతులు నివాసముంటున్నారు. వీరి ఐదో సంతానమైన కుమారి(19) మానసిక వికలాంగురాలు ఉంది. కుమారి నిద్రిస్తుండగా ఇంటి పక్కనే ఉన్న మహేందర్ యువతిపై లైంగిక దాడి చేశారు. ఆ తర్వాత ఇంటికి వచ్చిన తల్లికి విషయం చెప్పింది.
దీంతో బాధితురాలి తల్లి పోలీసులకు ఫిర్యాదు చేసింది. దీనిపై కేసు నమోదు చేసిన పోలీసులు... లైంగికదాడికి పాల్పడిన యువకుడిపై కేసు నమోదు చేసి... బాధితురాలిని రామన్నపేట ప్రభుత్వ వైద్యశాలకు తరలించారు. మరోవైపు మహేందర్‌ను కఠినంగా శిక్షించాలని ప్రజా సంఘాల ఆధ్వర్యంలో భువనగిరి -చిట్యాల ప్రధాన రహదారిపై సుమారు రెండు గంటలపాటు ధర్నా నిర్వహించారు.