పాఠాలు చెప్పాల్సిన టీచర్ కామాంధుడిగా మారాడు. వివరాల్లోకి వెళితే.. ప్రత్యేక పాఠ్యపుస్తకాలు ఇస్తానని టెన్త్ ఫెయిల్ అయిన విద్యార్థినిని మీసాల శ్రీనివాస్ అనే టీచర్ గదికి పిలిచాడు. నోట్స్ ఇస్తానని నమ్మబలికాడు. రూమ్‌లోకి రమ్మన్నాడు. ఆపై విద్యార్థిని పట్ల అభ్యంతరకరంగా ప్రవర్తించాడు. ఈ ఘటన జంగారెడ్డి గూడెం జడ్పీ హైస్కూల్‌లో చోటుచేసుకుంది.
ఇటీవల టెన్త్ క్లాస్ పరీక్షల్లో ఫెయిల్ అయిన స్టూడెంట్స్‌కు ఉన్నతాధికారుల ఆదేశాల మేరకు ప్రభుత్వ పాఠశాలల్లో ఈ నెల 13 నుంచి స్పెషల్ క్లాసెస్ నిర్వహిస్తున్నారు. ఈ క్రమంలో ప్రభుత్వ పాఠశాలలో ఫెయిల్ అయిన పలువురు విద్యార్థులు దీనికి హజరయ్యారు.
క్లాసు ముగిసిన అనంతరం మీసాల శ్రీనివాస్ అనే ఉపాధ్యాయుడు ఒక విద్యార్థినికి స్పెషల్ నోట్స్ ఇస్తానని రమ్మంటూ రూమ్‌లోకి తీసుకెళ్లాడు. అనంతంరం ఆ విద్యార్థినితో అసభ్యకరంగా ప్రవర్తించాడు.
లైంగిక దాడికి యత్నించాడు. దీంతో తను ఇంటికి వెళ్లి తల్లిదండ్రులతో కీచక టీచర్ గురించి చెప్పింది. దాంతో ఆగ్రహం చెందిన ఆ బాలిక తల్లిదండ్రులు ఆ టీచర్‌కు దేహశుద్ధి చేశారు. సమాచారం తెలుసుకున్న పోలీసులు కేసు నమోదు చేసుకుని విచారణ చేపట్టారు.