చూస్తుండగానే జెయింట్ వీల్ తొట్టి ఊడి పదేళ్ల బాలుడు మృతి(Video)

చిన్నపిల్లలు వేసవి శెలవులు వచ్చాయంటే సరదాగా గడిపేందుకు ఎక్కడికైనా తీసుకెళ్లమని తమ తల్లిదండ్రులను అడుగుతుంటారు. ఐతే అలాంటి సరదా అనంతపురంలో ఓ బాలుడి ప్రాణాన్ని కబళించింది. వివరాల్లోకి వెళితే... ఆదివారం నాడు అనంతపురంలో ఓ ఉత్సవం జరుగుతోంది. అక్కడ జెయింట్

చిన్నపిల్లలు వేసవి శెలవులు వచ్చాయంటే సరదాగా గడిపేందుకు ఎక్కడికైనా తీసుకెళ్లమని తమ తల్లిదండ్రులను అడుగుతుంటారు. ఐతే అలాంటి సరదా అనంతపురంలో ఓ బాలుడి ప్రాణాన్ని కబళించింది. వివరాల్లోకి వెళితే... ఆదివారం నాడు అనంతపురంలో ఓ ఉత్సవం జరుగుతోంది. అక్కడ జెయింట్ వీల్... తదితరాల్లో పిల్లలు ఎక్కి కేరింతలు కొడుతున్నారు. జెయింట్ అలా తిరుగుతూ వున్న సమయంలో బోల్టు ఊడి జెయింట్ వీల్‌కు వేలాడే తొట్టి ఊడిపోయింది. దాంతో అందులో వున్న పదేళ్ల బాలుడుతో సహా కిందపడటంతో ఆ పిల్లవాడు అక్కడికక్కడే మృత్యువాత పడ్డాడు. 

కాగా జెయింట్ వీల్ తిరుగుతున్న సమయంలో సదరు పిల్లవాడు ఎక్కిన తొట్టికి సంబంధించి బోల్టు వదులుగా వుందని అక్కడివారు అరిచినా దాన్ని నడిపే వ్యక్తి పట్టించుకోలేదని ప్రత్యక్ష సాక్షులు చెప్పారు. అతడు పూటుగా తాగి వుండటంతో తమ మాటలను పెడచెవిన పెట్టాడని తెలిపారు. మరోవైపు పిల్లవాడు మరణించడంతో ఆగ్రహం చెంది పలువురు అతడికి దేహశుద్ధి చేశారు. అనంతరం అతడిని పోలీసులకు అప్పజెప్పారు. కేసు నమోదు చేసుకున్న పోలీసులు దర్యాప్తు చేస్తున్నారు. చూడండి ఆ వీడియోను...