పవన్ కుమార్తెపై అనుచిత వ్యాఖ్యలు... పోసానిపై పోక్సో కేసు? ఇక బైటకు రావడం కష్టమేనా?

పోసాని కృష్ణమురళి గతంలో ప్రస్తుత డిప్యూటీ సీఎం పవన్ కల్యాణ్ కుమార్తెపై అనుచిత వ్యాఖ్యలు చేసారు. అప్పట్లో పవన్ కుమార్తె మైనర్ కావడంతో, పోసాని వ్యాఖ్యలపై పోక్సో కేసు నమోదు చేయాలంటూ కడపలో కంప్లైట్ ఇచ్చేందుకు ఓ వ్యక్తి ప్రయత్నించాడు. కానీ అప్పట్లో కేసు నమోదు చేయలేదు. ఐతే ఇప్పుడు ఆ వ్యాఖ్యలపై కేసు నమోదు చేసేందుకు కసరత్తు జరుగుతోందని అంటున్నారు. ఆ కేసు కనుక నమోదైతే ఇక పోసాని కృష్ణమురళి బెయిల్ పైన విడుదల కావడం కూడా కష్టమేనంటున్నారు.

మరోవైపు పోసాని కృష్ణమురళి తరపు న్యాయవాది మాట్లాడుతూ... ఒకవేళ పోసానిని బెయిల్ పైన బైటకు తీసుకు వచ్చినా వారిపై కనీసం 15 కేసులు సిద్ధంగా వున్నాయని అన్నారు. అంటే... ఈ కేసుపైన బెయిల్ పైన బైటకు రాగానే మరో కేసుపై అరెస్ట్ చేసి తీసుకుని వెళ్లేందుకు పోలీసు వాహనం సిద్ధంగా వుంటోందని అన్నారు. అంటే... కోడిపిల్లను కనుక గద్ద తన్నుకెళ్లినట్లు, బైటకు రాగానే పోలీసులు అలా తన్నుకు వెళ్తున్నారంటూ వ్యాఖ్యానించారాయన. మొత్తమ్మీద పోసాని కృష్ణమురళి ఒకవేళ బెయిల్ పైన బైటకు వచ్చినా మరో కేసులో జైలు తప్పేలా లేదన్నమాట.