భార్యతో వివాహేతర సంబంధం... కసికొద్దీ స్నేహితులతో అతడిపై గ్యాంగ్ రేప్...

తన భార్యతో అక్రమ సంబంధం పెట్టుకున్నాడన్న కసితో సదరు భర్త ఆ వ్యక్తిని కిడ్నాప్ చేసి అతడి స్నేహితులతో కలిసి సామూహిక అత్యాచారం చేసిన ఘటన వెలుగుచూసింది. బాధిత యువకుడిని అంతా కలిసి దేహశుద్ధి చేసి ఆ తర్వాత అతడిపై గ్యాంగ్ రేప్‌కు పాల్పడ్డారు. బాధితుడు పోలీసులను ఆశ్రయించాడు.

వివరాల్లోకి వెళితే... ఉచ్చూరుకి చెందిన 26 ఏళ్ల యువకుడు ఓ మహిళతో వివాహేతర సంబంధాన్ని సాగిస్తున్నాడు. ఈ విషయాన్ని పసిగట్టిన ఆమె భర్త, భార్యను ఏమీ అనలేక ఆమెతో సంబంధం పెట్టుకున్న యువకుడిపై కసి తీర్చుకున్నాడు. ఈ క్రమంలో అతడు ఓ షోరూం వద్ద నిలబడి వుండగా నాగరాజపురానికి చెందిన దయాకర్‌, బాలచెన్నయ్య, వెంకట్వేర్లు, ఎం మహేష్‌, మస్తాన్‌ అనే ఐదుగురు యువకులు అతడిని మాటల్లో పెట్టి ఆటో ఎక్కించుకున్నారు. 

ఆ తర్వాత నిర్జన ప్రదేశానికి తీసుకుని వెళ్లి కర్రలతో అతడికి దేహశుద్ధి చేశారు. దుస్తులను తొలగించి అతడిపై సామూహిక అత్యాచారానికి పాల్పడ్డారు. ఇదంతా తమ సెల్ ఫోన్లలో వీడియో తీశారు. పోలీసులకు చెబితే ఆ వీడియోలను బయటపెడతామని బెదిరించారు. బాధితుడు చెప్పిన వివరాలను తీసుకుని కేసు నమోదు చేసుకున్న పోలీసులు దర్యాప్తు చేస్తున్నారు.