మెగా పవర్ స్టార్ రామ్ చరణ్ పుట్టినరోజు సందర్భంగా ఆర్ఆర్ఆర్ చిత్ర యూనిట్ చెర్రీ అభిమానులకు సూపర్ ట్రీట్ ఇచ్చేసింది. రామ్ చరణ్ స్పెషల్ పోస్టర్ రిలీజ్ చేసి ఫ్యాన్స్‌కు బర్త్ డే ట్రీట్ ఇచ్చింది యూనిట్. ఈ చిత్రంలో రామరాజు లుక్‌ను రిలీజ్ చేసి అభిమానులను మజా చేశారు. చెర్రీ లుక్ చూసి ఫ్యాన్స్ కేరింతలు కొడుతున్నారు.
స్టార్ డైరెక్టర్ రాజమౌళి దర్శకత్వంలో ఎన్టీఆర్, రామ్ చరణ్ కాంబినేషన్లో భారీ బడ్జెట్ తో నిర్మితమవుతున్న ఈ చిత్రం కోసం దేశవ్యాప్తంగా క్రేజ్ నెలకొంది. ఈసినిమా షూటింగ్ చివరి దశలో ఉంది. ఈ చిత్రంలో రామ్ చరణ్ స్వాతంత్య్ర సమర యోధులు అల్లూరి సీతారామరాజుగానూ, ఎన్టీఆర్ కొమరం భీంగా నటిస్తున్నారు.