శునకానికి మసాజ్ చేసిన పిల్లి...

Cats Massaging Dog

శునకం-పిల్లికి ఏమాత్రం కలిసిరాదు. శునకం కనిపిస్తే చాలు పిల్లి పారిపోవడం మనం చూసి ఉంటాం. కుక్క, పిల్లి జాతుల వైరం అనాదిగా వస్తోందని చెబుతుంటారు.

అయితే ఇక్కడో పిల్లి మాత్రం ఎంచక్కా శునకానికి మసాజ్‌ చేస్తూ ఉన్న వీడియో నెటిజన్లను విపరీతంగా ఆకట్టుకుంటోంది. మార్జాలం మసాజ్‌ చేస్తుంటే శునకం హాయిగా సేదదీరుతున్న వీడియో సామాజిక మాధ్యమాల్లో వైరల్‌గా మారింది.

కుక్క, పిల్లి సావాసం ఇలాగే వర్థిల్లాలంటూ నెటిజన్లు కామెంట్లు పెడుతున్నారు. నవంబర్‌ 9న సోషల్‌ మీడియాలో పోస్ట్‌ చేయగా.. దాదాపు 10వేలకుపైగా లైకులు వచ్చాయి. పిల్లి అలా తలమీద రుద్దుతూ ఉంటే శునకం వెలిబుచ్చిన హావభావాలు నెటిజన్లను ఆకట్టుకుంటోంది.