బిగ్ బాస్ ఇంటిలో శివజ్యోతి... ఈ తీన్మార్ సావిత్రి 'లవర్స్ డే' గర్ల్

బిగ్ బాస్ 3 స్టార్టయ్యింది. ఇంటి సభ్యులకు ఇచ్చే టాస్కుల సంగతి ఏమోగానీ వాళ్లు ఎక్కడ నుంచి వచ్చారు... ఏమేం చేస్తున్నారు... ఎక్కడ పుట్టారు అనే విషయాలను తెలుసుకునేందుకు నెటిజన్లు కుతూహలం చూపిస్తున్నారు. ఇకపోతే ప్రస్తుతం బిగ్ బాస్ 3 ఇంట్లో హంగామా చేస్తున్న 'తీన్మార్' సావిత్రి ఫేమ్ శివజ్యోతి సూపర్ ట్రెండింగ్‌గా నిలిచింది.

ఈ నేపద్యంలో ఆమె గురించి కొన్ని ఆసక్తికర విషయాలు. తీన్మార్ సావిత్రిని మీ బరువెంత అని అడిగితే 50 కేజీల తాజ్ మహల్ కి రెండు ఎక్కువ అంటూ ఏకంగా ఐశ్వర్యా రాయ్ తో పోల్చేసుకుంటుంది. ఆమె తెలంగాణలోని నిజామాబాద్ జిల్లాలో ఫిబ్రవరి 14న పుట్టింది. అందుకే ఆమెను లవర్స్ డే గర్ల్ అని కూడా ముద్దుగా పిలుచుకుంటుంటారు. 

ఇకపోతే ఆమె ఓ ప్రముఖ టీవీ ఛానల్లో పనిచేస్తోంది. ప్రస్తుతం బిగ్ బాస్ ఇంటిలో 100 రోజులు వుండాలి కనుక విరామం తీసుకుంది. తను చేసే వుద్యోగానికి రాజీనామా చేస్తున్నట్లు తన ఇన్ స్టాగ్రాంలో పోస్ట్ చేసింది. ప్రస్తుతం బిగ్ బాస్ ఇంట్లో సందడి అంటే ఆమెదే మరి. ఈ 100 రోజుల్లో ఎలిమినేట్ కాకుండా ఆటలో రాణించేందుకు ఏమేం చేస్తుందో ఈ తీన్మార్ సావిత్రి... లెటజ్ వెయిట్ అండ్ సీ.