Webdunia - Bharat's app for daily news and videos

Install App

రూ.500 కోట్ల పెళ్లి! భారతదేశంలో అత్యంత ఖరీదైన వివాహాలలో ఒకటి.. అంతా గాలిదే!

Webdunia
గురువారం, 23 మార్చి 2023 (10:14 IST)
500 Crore wedding
భారతీయ వివాహ సంప్రదాయాలు ప్రాంతం, మతం, సమాజం, వధూవరుల వ్యక్తిగత అభిరుచుల ఆధారంగా విభిన్నంగా ఉంటాయి. భారతదేశంలో,వివాహాలు ఉత్సవాలుగా జరుగుతాయి. సాధారణంగా వధువు, వరుడు అలంకరణలు, వేషధారణ, సంగీతం, నృత్యం, ఆచారాలు, దుస్తులతో వివాహం వేడుకగా జరగాలని ఆశిస్తారు. అయితే వారి శక్తికి తగ్గట్లు పెళ్లి వేడుకను నిర్వహిస్తూ వుంటారు.

అదీ ధనవంతులైతే వివాహాలను అంగరంగ వైభవంగా జరుపుకుంటారు. అలాంటి కాస్ట్లీ  మ్యారేజ్ కథే ఇది. కర్నాటకకు చెందిన మాజీ మంత్రి, జనార్దన రెడ్డి కుమార్తె వివాహానికి 500 కోట్ల రూపాయలకు పైగా ఖర్చు చేశారు. తద్వారా భారతదేశంలోనే అత్యంత ఖరీదైన వివాహాల్లో ఈ  ఒకటిగా పెళ్లి నిలిచింది. జనార్దనరెడ్డి కుమార్తె బ్రాహ్మణి వివాహం 2016 నవంబర్ 6న జరిగింది.
 
ఐదు రోజుల పాటు జరిగిన ఈ వివాహానికి దాదాపు 50,000 మంది అతిథులు హాజరయ్యారు. బెంగళూరులోని ఐదు, మూడు నక్షత్రాల హోటళ్లలో 1500 కంటే ఎక్కువ గదులు వేడుక కోసం బుక్ చేయబడ్డాయి. వేదిక వద్ద 3000 మంది భద్రతా సిబ్బంది ఉన్నారు. రెడ్డి కుటుంబం రాయల్టీగా కనిపించింది. బంగారం, వజ్రాలతో చేసిన ఆభరణాల విలువ దాదాపు రూ. 5 కోట్లు.
 
ఈ వేడుక 5 రోజుల పాటు కొనసాగింది. రూ.17కోట్ల విలువైన కాంచీపురం చీరను వధువు ధరించింది. చీరపై థ్రెడ్ వర్క్ అంతా బంగారం. 90 లక్షల విలువైన ఆభరణాలు ధరించింది. దాదాపు 50 మంది అగ్రశ్రేణి మేకప్ ఆర్టిస్ట్‌లను ఇందుకోసం నియమించారు. మేకప్ ఆర్టిస్ట్‌ను ప్రత్యేకంగా ముంబై నుండి పిలిపించారు. ఈ ఏర్పాటు మొత్తం ఖర్చు రూ. 30 లక్షలు. ఆహ్వానం కార్డు LCD స్క్రీన్‌ల ద్వారా అతిథులకు అందించడం జరిగింది. 
 
LCD స్క్రీన్ ఉన్న బాక్స్ తెరవగానే, ఒక సాంగ్ ప్లే చేయడం ప్రారంభించింది. రెడ్డి కుటుంబం పెళ్లికి అతిథులను ఆహ్వానిస్తున్న దృశ్యం వీడియోలో ఉంది. ఇది గేట్ పాస్‌గా జారీ అయ్యింది. తరువాత వారు 40 సంపన్నమైన ఎద్దుల బండ్లపై లోపలికి తీసుకెళ్లబడ్డారు.
 
బాలీవుడ్ కళా దర్శకులు సృష్టించిన విజయనగర శైలిలో అనేక దేవాలయాల సెట్లు ఉన్నాయి. భోజన ప్రాంతం బళ్లారి గ్రామం ఆకృతిని కలిగి ఉంది. సందర్శకులను తీసుకెళ్లేందుకు 15 హెలికాప్టర్లు, 2,000 ట్యాక్సీలను వినియోగించారు.
 
ఆసక్తికరమైన విషయమేమిటంటే, జనార్దన రెడ్డి కర్ణాటకలోని బిజెపి ప్రభుత్వంలో మంత్రిగా పనిచేసినందున, పెద్ద నోట్ల రద్దు తర్వాత వివాహం వెంటనే జరిగింది. దీంతో కాంగ్రెస్‌తో పాటు ప్రతిపక్షాల విమర్శలను బీజేపీ ఎదుర్కోక తప్పలేదు. ఆ సమయంలో కాంగ్రెస్ సభ్యుడు ఆనంద్ శర్మ, రెడ్డి పెళ్లి కోసం 500 కోట్ల రూపాయలు ఎక్కడ సంపాదించారని పార్లమెంటులో బిజెపి ప్రభుత్వాన్ని ప్రశ్నించారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

Varun Tej : మాల్దీవుల విహారయాత్ర లో వరుణ్ తేజ్, లావణ్య త్రిపాఠి

NTR: వార్ 2 కోసం డబ్బింగ్ ప్రారంభించిన మ్యాన్ ఆఫ్ మాసెస్ ఎన్టీఆర్

Mega157 : మెగాస్టార్ చిరంజీవి, నయనతార చిత్రం షెడ్యూల్ ఈరోజు ముస్సోరీలో ప్రారంభం

సింగర్‌ మంగ్లీపై డ్రగ్స్ కేసు? త్రిపుర రిసార్ట్‌లో అర్థరాత్రి దాకా డీజే హోరు!

Rashmika : కుబేర నుంచి రష్మిక మందన్న థర్డ్ సింగల్ పీ పీ డుమ్ డుమ్ సాంగ్ రిలీజ్

అన్నీ చూడండి

ఆరోగ్యం ఇంకా...

గ్లాసెడు బీట్ రసం తాగితే కలిగే ప్రయోజనాలు

రోబోటిక్ సర్జరీలలో సరికొత్త మైలురాయి సాధించిన మెడికవర్ హాస్పిటల్స్

ఓరి వీడి లవ్ ప్రపొజల్ ఐడియా తగలెయ్య (video)

కొబ్బరి కల్లు తాగితే ఏం జరుగుతుందో తెలుసా?

శంఖం పువ్వులు ఆరోగ్యానికి చేసే మేలు ఏమిటి

తర్వాతి కథనం
Show comments