'హిప్పీ' ఫలితంతో డీలాపడిపోయిన కార్తికేయ ప్రస్తుతం ''గుణ 369''తో వస్తున్నాడు. అర్జున్ జంధ్యాల దర్శకత్వంలో కార్తికేయ హీరోగా 'గుణ 369' రూపొందుతోంది. అనిల్ కడియాల - తిరుమల్ రెడ్డి సంయుక్తంగా నిర్మిస్తోన్న ఈ సినిమాకి చైతన్ భరద్వాజ్ సంగీతాన్ని సమకూర్చారు. తాజాగా ఈ సినిమా నుంచి టీజర్ విడుదలై.. సోషల్ మీడియాలో వైరల్ అవుతోంది.
ఈ టీజర్‌లో కార్తీకేయ స్మార్ట్‌గా కనిపిస్తున్నాడు. ఈ టీజర్ చివరిలో కార్తికేయ చెప్పిన ఎమోషనల్ డైలాగ్ హైలైట్‌గా నిలుస్తోంది. లవ్, యాక్షన్, ఎమోషన్‌కి సంబంధించిన సన్నివేశాలపై కట్ చేసిన ఈ టీజర్ యువతను బాగా ఆకట్టుకుంటోంది. ఈ సినిమా ద్వారా కొత్త హీరోయిన్ పరిచయమవుతోంది.
ఇకపోతే.. ''గుణ 369'' పోస్టర్ కూడా ఇటీవల విడుదలైంది. ఈ పోస్టర్‌లో కార్తీకేయ కండల వీరుడిగా కనిపించాడు. ఇంకేముంది.. తాజాగా విడుదలైన ''గుణ 369'' టీజర్‌ను ఓ లుక్కేయండి.