ఆర్ఎక్స్ 100 హీరో బిజీ బిజీ.. ఒకేసారి రెండు సినిమాల షూటింగ్‌లతో..

శుక్రవారం, 1 మార్చి 2019 (11:08 IST)
'ఆర్ఎక్స్ 100' హీరో కార్తికేయ యూరప్ వెళ్తున్నాడు. కార్తికేయ హీరోగా రెండు సినిమాలు సెట్స్‌పైకి వచ్చాయి. వాటిలో ఒక సినిమా అనిల్ కడియాల- తిరుమల రెడ్డి నిర్మాణంలో అర్జున్ జంధ్యాల దర్శకత్వంలో రూపుదిద్దుకుంటోంది. తాజాగా ఈ సినిమా తొలి షెడ్యూల్‌ను పూర్తయ్యింది. ఈ సందర్భంగా కార్తీకేయ మాట్లాడుతూ.. ఇప్పటికే 40 శాతం షూటింగ్ పూర్తయ్యిందని చెప్పాడు. 
 
తదుపరి షెడ్యూల్‌ను మార్చి 5వ తేదీ నుంచి యూరప్‌లోని క్రొయోషియాలో ప్లాన్ చేసినట్లు తెలిపాడు. అక్కడ రెండు పాటలను చిత్రీకరించనున్నట్లు కార్తీకేయ అన్నాడు. ప్రధానమైన పాత్రల కాంబినేషన్లోని కొన్ని ముఖ్యమైన సన్నివేశాలను 25 రోజుల పాటు ఒంగోలులో షూట్ చేసినట్లు వెల్లడించాడు. మరోవైపు ఆరెక్స్ మూవీ తర్వాత ప్రస్తుతం తమిళ, తెలుగు భాషల్లో రూపొందుతున్న హిప్పీ చిత్రంలో నటిస్తున్నాడు కార్తీకేయ. 
 
శ్రీలంక, తదితర ప్రాంతాల్లో శరవేగంగా షూటింగ్ పూర్తి చేసుకుంటోంది. ఈ చిత్రాన్ని ప్రముఖ నిర్మాత కలైపులి థాను రూపొందిస్తున్నారు. ఈ చిత్రం సెట్స్‌పై ఉండగానే మరో చిత్రాన్ని పట్టాలెక్కించాడు. ప్రస్తుతం ఇలా సినిమా షూటింగ్‌లతో కార్తీకేయ బిజీ బిజీగా గడుపుతున్నాడు. 

వెబ్దునియా పై చదవండి

తర్వాతి కథనం బాంబులిస్తే శత్రు శిబిరాలపై దాడి చేసి మట్టుబెడతా : రాఖీ సావంత్