విజయాల పరంపరలో కాస్త తడబడుతున్న యంగ్ హీరో నాని ప్రస్తుతం జెర్సీ సినిమాలో నటిస్తూండడం అందరికీ తెలిసిన విషయమే. క్రికెట్‌ నేపథ్యంలో తెరకెక్కుతున్న ఈ సినిమాకి మళ్ళీరావా ఫేం గౌతమ్‌ తిన్ననూరి దర్శకత్వం వహిస్తుండగా నాని ఇందులో క్రికెటర్ పాత్ర పోషిస్తున్నారు. కాగా, ఇటీవల గేమ్‌కు సంబంధించిన కొన్ని సన్నివేశాలను చిత్రకీరిస్తుండగా హీరో నాని గాయపడినట్లుగా తెలుస్తోంది.
నాని ముఖానికి క్రికెట్‌ బాల్‌ తగలటంతో ముక్కు, చెంపకు గాయాలయ్యాయనీ, అయితే గాయాలు అంత పెద్దవి కావనీ, కొద్ది రోజుల విశ్రాంతి అనంతరం నాని తిరిగి షూటింగ్ కు హజరవుతారని చిత్రానికి సంబంధించిన సన్నిహిత వర్గాలు వెల్లడించాయి. కన్నడ బ్యూటీ శ్రద్ధాశ్రీనాథ్ ఈ సినిమాతో టాలీవుడ్‌కు పరిచయం అవుతోంది. అయితే క్రికెట్‌ నేపథ్యంలో తెరకెక్కించనున్న సన్నివేశాల్లో పలువురు ప్రొఫెషనల్‌ క్రికెటర్స్‌ కూడా నటించనున్నారట.
