అర‌వింద స‌మేత టాక్ ఏంటి..?

యంగ్ టైగ‌ర్ ఎన్టీఆర్ లేటెస్ట్ సెన్సేష‌న్ అర‌వింద స‌మేత వీర రాఘ‌వ‌. దీనికి మాట‌ల మాంత్రికుడు త్రివిక్ర‌మ్ శ్రీనివాస్ ద‌ర్శ‌కుడు కావ‌డంతో ఈ సినిమాపై మ‌రిన్ని అంచ‌నాలు పెరిగాయి. 12 సంవ‌త్స‌రాల నుంచి వీరిద్ద‌రు క‌లిసి సినిమా చేయాల‌నుకుంటే.. ఇన్నాళ్ల‌కు సెట్ కావ‌డం.. త‌దిత‌ర కార‌ణాల‌తో నంద‌మూరి అభిమానులు ఎన్నో ఆశ‌లు పెట్టుకున్నారు ఈ సినిమాపై. అయితే... ఈ మూవీ టాక్ ఏంటంటే... యుద్ధం త‌ర్వాత ప‌రిస్థితి ఏంటి అనే పాయింట్‌తో సినిమా తీసాన‌ని త్రివిక్ర‌మ్ చెప్పారు క‌దా. అదే క‌థ‌. 

జీవితంలో శాంతి అనేది ఎంత ప్ర‌ధాన‌మో చెప్పే క‌థ ఇది. ఫ‌స్టాఫ్ బాగుంది. కానీ.. సెకండాఫ్‌కి వ‌చ్చేస‌రికి నిరాశే. ఫ‌స్టాఫ్ చూసి థియేట‌ర్ లోప‌ల‌కి వెళ్లిన ప్రేక్ష‌కుడికి సెకండాఫ్ చూసి నిరాశే ఎదురైంది. కాక‌పోతే ఎన్టీఆర్ కెరీర్ బెస్ట్ పెర్ఫార్మెన్స్ ఇచ్చాడు. ఫైట్స్, రెండు పాట‌లు ఆక‌ట్టుకుంటున్నాయి. టోట‌ల్‌గా అర‌వింద స‌మేత గురించి ప్రేక్ష‌కులు చెప్పే మాట ఓ యావ‌రేజ్ ఫిల్మ్. మ‌రి.. ఎంత క‌లెక్ట్ చేస్తుంది అనేది చూడాలి.