2010లో ప్రారంభమైన కెరీర్‌లో సమంత ఎదిగి, ప్రయోగాలు చేసింది. చివరకు తన సముచిత స్థానాన్ని సంపాదించుకుంది. లేటెస్ట్‌గా శాకుంత‌లం అనే సినిమాలో న‌టిస్తోంది. ఏప్రిల్ 28న ఆమె పుట్టిన‌రోజు. చిత్ర యూనిట్ ఆమెను శుభాకాంక్ష‌లు తెలియ‌జేస్తూ, ఈ చిత్రం గ్లింప్స్ తోపాటు మ‌రిన్ని వివ‌రాలు మే5న విడుద‌ల చేస్తామ‌ని గురువారంనాడు ప్ర‌క‌టించింది. గుణ‌శేఖ‌ర్ ద‌ర్శ‌క‌త్వం వ‌హించిన ఈ చిత్రం టెక్నిక‌ల్‌గా హై స్థాయిలో వుండేలా చ‌ర్య‌లు తీసుకుంటున్నారు. పౌరాణిక గాత దుష్యంతుల శ‌కుంత‌ల క‌థ ఆధారంగా ఈ చిత్రం రూపొందుతోంది.
ఇదిలా వుండ‌గా, నేడు సమంత ప్ర‌భు పుట్టిన‌రోజు సంద‌ర్భంగా ఆమెను చిత్ర ప్ర‌ముఖులు శుభాకాంక్ష‌లు తెలియ‌జేశారు. ఓబేబీ నుంచి అమెజాన్ ప్రైమ్ వీడియో సిరీస్` ది ఫ్యామిలీ మ్యాన్`లో తమిళ రెబల్ రాజీగా భిన్న‌మైన పాత్ర‌లు పోషించింది. అయితే 2012 హిందీ చిత్రం `ఏక్ దీవానా థా`లో ఆమె అతిధి పాత్ర పోషించింది. కానీ చాలా మంది చిత్రాన్ని చూడలేదు. కాబట్టి ది ఫ్యామిలీ మ్యాన్ హిందీ సినిమానే మొద‌టిగా అంద‌రూ అనుకుంటున్నారు. తాజాగా ఆమె నెగెటివ్ షేడ్స్ వున్న పాత్రను పోషించ‌డానికి సిద్ధ‌మే అని ప్ర‌క‌టించింది. ఆ పాత్ర ఏ సినిమాలో వుండ‌బోతుందో కొద్దిరోజుల్లో తెలియ‌నుంది.