అనుష్క- విరాట్ కోహ్లీ రెండో హనీమూన్- నీటి కొరతతో కష్టాలు?

కొత్త పెళ్లి జంట అనుష్క- విరాట్ కోహ్లీ రెండో హనీమూన్ ఆనందాన్ని నీళ్ల కరువు కబళించినట్లైంది. దక్షిణాఫ్రికాతో మ్యాచ్‌ల కోసం టీమిండియా కేప్‌టౌన్ వెళ్లిన సంగతి తెలిసిందే. వీరితో పాటు విరుష్క కూడా దక్షిణాఫ

కొత్త పెళ్లి జంట అనుష్క- విరాట్ కోహ్లీ రెండో హనీమూన్ ఆనందాన్ని నీళ్ల కరువు కబళించినట్లైంది. దక్షిణాఫ్రికాతో మ్యాచ్‌ల కోసం టీమిండియా కేప్‌టౌన్ వెళ్లిన సంగతి తెలిసిందే. వీరితో పాటు విరుష్క కూడా దక్షిణాఫ్రికాకు వెళ్లారు. అయితే కేప్‌టౌన్‌లో వేసవి కావడంతో నీటి కొరత వేధిస్తోంది. నీళ్ల కరువు వచ్చింది. గ‌తంలో ఎన్న‌డూ లేని విధంగా ప్రజలు నీటి కోసం ఇబ్బందులు ఎదుర్కొంటున్నారు. 

ఆ దేశ ప్రజలతో పాటు ప‌ర్యాట‌కులు కూడా చాలా ఇబ్బందులు ఎదుర్కోవాల్సి వ‌స్తోంది. ఈ నీళ్ల‌క‌రువు తీవ్ర‌త‌ను తెలియజేయ‌డానికి కేప్‌టౌన్ విమానాశ్ర‌యంలోనే ప్ర‌క‌ట‌న‌లు ఇస్తున్నారు. ప‌ర్యాట‌కులు నీళ్లు త‌క్కువ‌గా వాడాల‌ని సూచనలు చేస్తున్నారు. 

తాజ్, స‌ద‌ర‌న్ స‌న్ వాట‌ర్‌ఫ్రంట్ వంటి ప్ర‌ముఖ హోట‌ళ్లు కూడా వీలైనంత మేర‌కు త‌క్కువ నీళ్లు వాడాల‌ని సూచిస్తున్నాయి. ఇప్ప‌టికే కేప్‌టౌన్ ప‌ట్ట‌ణ యంత్రాంగం ఆరో స్థాయి హెచ్చ‌రిక‌ల‌ను కూడా జారీ చేసింది. వీలైనంత వరకు పర్యాటకులకు నీటి ఇబ్బంది కలగకుండా చేసేందుకు హోటల్ యాజమాన్యాలు ప్రయత్నిస్తున్నాయి.