ప్రముఖ సినీ నిర్మాత దిల్ రాజుపై ప్రముఖ దర్శకుడు అనిల్ రావిపూడి సెటైర్లు వేశారు. దిల్ రాజుకు రన్నింగ్స్ రాజు అని పేరుపెట్టివుంటే బాగుండేందని తెలిపారు. కొత్త ప్రతిభను ప్రోత్సహించేందుకు దిల్ రాజు డ్రీమ్స్‌ను ఏర్పాటు చేశారని దిల్ రాజు తెలిపారు. ఆయన కొత్త ప్రయత్నం విజయం సాధించాలంటూ అనిల్ రావిపూడి ఓ ఆకాంక్ష చేశారు.
ఈ మేరకు ఆయన ఒక వీడియో సందేశాన్ని విడుదల చేశారు. దిల్ రాజుతో తన ప్రయాణం పదేళ్లుగా కొనసాగుతుందన్నారు. 'పటాస్' సినిమా తర్వాత ఆయనతో "సుప్రీం" సినిమా చేశానని వెల్లడించారు. దిల్ రాజు ఎపుడూ ఒకే చోట ఆగరు, నిరంతరం ఏదో ఒక కొత్తదనం కోసం పరుగెడుతూనే ఉంటారని తెలిపారు. అందుకే ఆయనకు "దిల్ రాజు" అని కాకుండా "రన్నింగ్ రాజు" అని పేరు పెడితే బాగుంటుందని అనిల్ రావివూడి తనదైనశైలిలో చమత్కరించారు.
చిత్రపరిశ్రమలో అన్ని జానర్లు సినిమాలను ప్రయత్నించే దిల్ రాజు ఇపుడు కొత్త వారికి అవకాశం కల్పించేందుకు "దిల్ రాజు డ్రీమ్" అనే దవేదికను ముందుకు తీసుకొస్తున్నారని తెలిపారు. కొత్త వారి ఐడియాలను గుర్తించి, వారిని ప్రోత్సహించాలనేది దిల్ రాజు మంచి ఆలోచన. ఈ ప్రయత్నం గొప్ప విజయం సాధించాలని మనస్ఫూర్తిగా కోరుకుంటున్నాను అని అనిల్ రావిపూడి తెలిపారు.