ఎస్ఎల్ఎస్ మూవీస్ నిర్మాణ సంస్ణలో రంజిత్, సౌమ్య మీనన్ హీరో హీరోయిన్స్ గా తెరకెక్కుతున్న చిత్రం 'లెహరాయి'. రామకృష్ణ పరమహంసను ద‌ర్శ‌కుడి గా ప‌రిచ‌యం చేస్తూ మద్దిరెడ్డి శ్రీనివాస్ ఈ మూవీని నిర్మిస్తున్నారు. ఇందులో ధ‌ర్మ‌పురి ఫేం గగన్ విహారి, రావు రమేష్, సీనియర్ నరేష్, అలీ తదితరులు నటిస్తున్నారు. ఈ చిత్ర టైటిల్ చాలా ఫేమ‌స్ కావ‌టం విశేషం. ఇదివరకే ఈ చిత్రం నుంచి రిలీజైన టీజర్ కు, సాంగ్స్ కు విశేష స్పందన లభించింది. ఇక సంగీత ద‌ర్శకుడు ఘంటాడి కృష్ణ ఈ చిత్రంతో జీకే ఈజ్ బ్యాక్ అన్నట్టు సెకండ్ ఇన్నింగ్స్ స్టార్ట్ చేశారు.
ఇప్పటికే ఈ చిత్రం నుండి విడుద‌లైన గుప్పెడంత సాంగ్ మిలియ‌న్ వ్యూస్ తెచ్చుకుంది. ఈ స‌క్సస్ ను పురస్కరించుకుని లెహరాయి చిత్రం నుండి "నువ్వు వందసార్లు వద్దన్న" అనే మరో సాంగ్ ను కూడా విడుదల చేశారు మేకర్స్. ఈ పాటని ఉమ మహేశ్వరరావు తమ్మిరెడ్డి రచించారు.ఈ పాటను హరిచరణ్ ఆలపించారు.
ఈ పాటలోని "నీ మీద ప్రేమ కొలవలేనులే అది నీకు చెప్పాలంటే
భాషే చాలదు తెలుసా గడియ కూడా నీ ఎడబాటు ఊహించడం నా తరమా"
లాంటి లైన్స్ ఆకట్టుకున్నాయి.
ఈ చిత్రంలో మొత్తం 7 సాంగ్స్ ఉన్నట్లు, మంచి ఫీల్ ఉన్న కథతో ఈ సినిమాను తెర‌కెక్కించినట్లు ఇదివరకే ద‌ర్శకుడు రామకృష్ణ ప‌ర‌మ‌హంస" తెలిపారు. ప్రముఖులు న‌టించిన ఈ చిత్రాన్ని నిర్మాత బెక్కం వేణుగోపాల్ సమర్పిస్తున్నారు. లెహరాయి రిలీజ్ డేట్ ను త్వరలోనే అధికారికంగా ప్రకటించనుంది చిత్ర బృందం.