ఆయనా తక్కువేం తినలేదు... అమితాబ్‌పై తనూశ్రీ దత్తా

బాలీవుడ్ సూపర్ స్టార్ అమితాబ్ బచ్చన్‌పై నటి తనూశ్రీ దత్తా కూడా విమర్శలు గుప్పించారు. ఇప్పటికే తనను లైంగికకంగా పలు విధాలుగా వేధించారంటూ నటుడు నానా పటేకర్‌పై ఆమె ఆరోపణలు చేసింది.

బాలీవుడ్ సూపర్ స్టార్ అమితాబ్ బచ్చన్‌పై నటి తనూశ్రీ దత్తా కూడా విమర్శలు గుప్పించారు. ఇప్పటికే తనను లైంగికకంగా పలు విధాలుగా వేధించారంటూ నటుడు నానా పటేకర్‌పై ఆమె ఆరోపణలు చేసింది. ఈ ఆరోపణలు ఇపుడు సంచలనంగా మారాయి. ఈ నేపథ్యంలో తనూశ్రీ దత్తా బిగ్ బి‌ అమితాబ్‌పై కూడా సంచలన ఆరోపణలు చేయడం గమనార్హం.

త‌నుశ్రీ వివాదం గురించి అమితాబ్‌ను మీడియా ప్ర‌శ్నించ‌గా 'నేను నానా ప‌టేక‌ర్‌ను కాదు, త‌నుశ్రీని కాదు.. అలాంట‌ప్పుడు నేనెలా స్పందిస్తాను' అని సమాధానమిచ్చారు. దీంతో త‌నుశ్రీకి కోపం వ‌చ్చింది. 'ఒక మ‌హిళ‌కు జ‌రిగిన అన్యాయం గురించి క‌నీసం స్పందించ‌ని ఇలాంటి వారు పెద్ద హీరోలా? ఇలాంటి వాళ్లా సామాజిక సందేశాల పేరుతో సినిమాలు చేసేది? సినిమాల్లో ఎన్నో పాత్ర‌లు పోషిస్తారు. కానీ, క‌ళ్ల ముందు జ‌రుగుతున్న అన్యాయాల‌ గురించి క‌నీసం స్పందించరు. అమితాబ్ అన్న మాట‌లు నాకు చాలా బాధ క‌లిగించాయ'ని త‌నుశ్రీ చెప్పింది.