రష్మీ-సుధీర్‌లా రవి కృష్ణ- నవ్య స్వామి పెళ్లి చేసుకోబోతున్నారా? (video)

Ravi Krishna_Navya swamy

స్టార్ మాలో ప్రసారం అవుతోన్న ఆమె కథ సీరియల్‌లో నటిస్తోన్న హిట్ పెయిర్ రవి కృష్ణ- నవ్య స్వామి పెళ్లి చేసుకోబోతున్నారు. అవును.. వారిద్దరు పెళ్లి చేసుకోబోతున్నారు. అయితే రియల్ కాదు ఒక షో కోసం. ప్రముఖ ఎంటర్‌టైన్‌మెంట్ ఛానెల్ ఈటీవీ ఇటీవల శ్రీదేవి డ్రామా కంపెనీ అనే కొత్త షోను ప్రారంభించిన విషయం తెలిసిందే. ప్రతి ఆదివారం ఈ షోను ప్రసారం అవుతోంది. 

ఇందులో ఒక్కో ప్రాంతానికి వెళ్లనున్న ఈ షో టీమ్.. అక్కడి టాలెంట్‌ని వెలికితీస్తోంది. అలాగే బుల్లితెర సెలబ్రిటీలు సైతం ఇందులో సందడి చేస్తున్నారు. ఈ క్రమంలో ఈ ఆదివారం రాబోతున్న శ్రీదేవి డ్రామా కంపెనీ ప్రోమో తాజాగా విడుదల అయ్యింది. 

ఇందులో బుల్లితెర నటీనటులు రవికృష్ణ- నవ్య స్వామిల పెళ్లి చేయబోతున్నారు. అప్పట్లో బుల్లితెర హిట్ జోడీ సుధీర్-రష్మి పెళ్లి తరహాలో ఇప్పుడు ఈ ఇద్దరి వివాహం ఉండబోతోంది. ఇక ప్రోమోలో ఈ ఇద్దరు రొమాన్స్ కూడా చేశారు. ఒకరికి ఒకరు ముద్దులు పెట్టుకుంటూ తమ మధ్య నిజమైన ప్రేమ ఉందన్నట్లుగా చూపించారు. అయితే గతంలోనూ సుమ క్యాష్ షోలో నవ్య స్వామి- రవికృష్ణలు వారి మధ్య ప్రేమ ఉన్నట్లు చూపించారు. ఈ వారం షోకు ముఖ్య అతిథిగా రాజీవ్ కనకాల రానున్నారు.