డ‌బ్బు మ‌నిషి సోనూసూద్ అంటున్న‌ త‌మ్మారెడ్డి

sonu- Tammareddy

ఒక‌ప్ప‌డు డ‌బ్బు మ‌నిషిగా వున్న సోనూసూద్ ష‌డెన్‌గా దేవుడిలా ప్ర‌జ‌ల‌కు క‌నిపించ‌డం నాకే ఆశ్చ‌ర్య‌మేస్తుంద‌ని త‌మ్మారెడ్డి భ‌రద్వాజ అంటున్నారు. ఇప్పుడు ఎక్క‌డా చూసిన  క‌రోనా పాలిట దేవుడిగా సోనూసూద్ పేరు తెచ్చుకున్నాడు. తెలంగాణ మంత్రి కె.టి.ఆర్‌.కూడా అస‌లైన హీరో నువ్వే అంటూ సోనూసూద్‌ను మెచ్చుకున్నారు. మ‌రి అస‌లు సోనూసూద్ క‌మ‌ర్షియ‌ల్ మెంటాలిటీ అని త‌మ్మారెడ్డి అంటున్నారు. 

తమ్మారెడ్డి ఇటీవ‌లే ఓ ఇంట‌ర్వ్యూలో మాట్లాడారు. సోనూసూద్ ప్ర‌స్తావన రాగానే  తనకు నాలుగైదు సంవత్సరాల క్రితం సోనుతో జ‌రిగిన సంఘ‌ట‌న గుర్తుకువ‌స్తుంది.  ఓ విష‌యంలో షాక్ అయ్యాను కూడా. వికలాంగుల కోసం నిర్వహిస్తున్న ఓ కార్యక్రమానికి సోనూసూద్ ను విచ్చేయవలసిందిగా నిర్వాహ‌కులు న‌న్ను అడిగారు. సోసూతో మాట్లాడ‌మ‌ని. నేను ఆయ‌న్ను సంప్ర‌దించా. కానీ సోనూ దానికి డబ్బు చెల్లించాలని చెప్పాడు. దీంతో సోనూసూద్ చాలా కమర్షియల్ అనే అంచ‌నాకు వ‌చ్చేశాను. అలాంటి వ్య‌క్తి ఇప్పుడు చూస్తే దేవుడిలా కన్పిస్తున్నాడని, ఆయన చేస్తున్న సేవలు చూస్తుంటే తన అభిప్రాయం మారిపోయిందని వెల్ల‌డించారు.

మ‌రి ఇంత డ‌బ్బు  వెచ్చించ‌డానికి ఆయ‌న ఆస్తులు ఏమేర‌కు ఖ‌ర్చుచేస్తున్నారోన‌ని ఆశ్చ‌ర్యం క‌లుగుతుంద‌ని చెప్పారు. అయితే ఈ సేవాగుణం త‌న త‌ల్లి నుంచి వ‌చ్చింద‌నీ, ఆమెకిచ్చిన మాట ప్ర‌కారం చేస్తున్నాన‌ని ఓ సంద‌ర్భంలో అన్న విష‌యాలు అత‌న్ని మార్చేశాయ‌ని అనుకుంటున్నాన‌ని తెలిపారు.