ఆహారం లేదా రొమాన్స్.. ఏది ఎంచుకుంటారు..? సమంత రిప్లై

టాలీవుడ్ స్టార్ హీరోయిన్ సమంత పాత వీడియో వైరల్ అవుతోంది. సమంత దక్షిణ భారత సినీ ప్రేక్షకుల అభిమాన నటి. ఈమె తన వ్యక్తిగత, కెరీర్ అంశాలను నెట్టింట షేర్ చేస్తూనే వుంటుంది. తాజాగా సమంత సొంత ప్రొడక్షన్ హౌస్ కూడా ప్రారంభించింది. 

కొత్త వెంచర్ పేరు ట్రలాలా మూవింగ్ పిక్చర్స్. దీనికి సంబంధించిన ప్రకటనను సమంత సోషల్ మీడియా ద్వారా తెలియజేసింది. తాజాగా సమంతకు సంబంధించిన ఓ పాత వీడియో సోషల్ మీడియాలో వైరల్ అవుతోంది. ఈ వీడియో 2017లో జెఎఫ్‌డబ్ల్యూకి ఇచ్చిన ఇంటర్వ్యూలోనిది. 

ఆహారం లేదా రొమాన్స్?

రాపిడ్-ఫైర్ రౌండ్‌లో, ఆహారం లేదా రొమాన్స్? దేనిని ఎంచుకోవాలనే ప్రశ్నకు సమంత సమాధానమిచ్చింది. "రొమాన్సే.. నేను ఎప్పుడైనా ఆకలితో అలమటించగలను.." అని సమంత సమాధానమిచ్చింది. రొమాన్స్‌ను ఎంచుకోవడంలో తప్పేమీ లేదంటూ ఆమె పోస్టుకు కామెంట్లు వచ్చాయి. 

కాగా సమంత చైతూ 2017 అక్టోబర్‌లో ఇద్దరూ పెళ్లి చేసుకున్నారు. అయితే 2021లో ఇద్దరూ విడిపోయారు. మయోసైటిస్‌ బారిన పడిన సమంత ప్రస్తుతం చికిత్స కోసం సినిమాలకు కాస్త గ్యాప్ ఇచ్చింది.