ఈమ‌ధ్య న‌టి రెజీనా పెద్ద‌గా సినిమాల్లో క‌నిపించ‌డంలేదు. నివేదా థామ‌స్ మ‌టుకు `వ‌కీల్‌సాబ్‌`లో క‌నిపించింది. ఇప్పుడు వీరిద్ద‌రినీ క‌లిపి ఓ సినిమాలో చూపించే ప్ర‌య‌త్నం చేస్తుంది సురేష్ ప్రొడ‌క్ష‌న్స్ సంస్థ. ఇప్ప‌టినే ఈ చిత్రానికి సంబంధించిన టైటిల్ ఫిలింఛాంబర్లో రిజిష్ట‌ర్ అయింది. శాఖినీ, ఢాకినీగా పేరు ఖ‌రారు చేశారు. అయితే ఇంకా అధికారికంగా ప్ర‌క‌టించాల్సి వుంది. కాగా, ఈ సినిమా కొరియిన్ మూవీకి సంబంధించింది. ఆమ‌ధ్య స‌మంత న‌టించిన కొరియ‌న్ మూవీ `మిస్ గ్రానీ`ని ఓ బేబీగా నిర్మించి మంచి హిట్ కొట్టారు. ఇప్పుడు 2017లో విడుద‌లైన కొరియ‌న్ మూవీ `మిడ్ నైట్ ర‌న్న‌ర్స్`ని తెలుగులో శాఖినీ, డాకినీగా తీస్తున్నారు.
ఇందులో క‌థాప‌రంగా ఇద్ద‌రు పోలీసు ఆఫీసర్ల క‌థ. తెలుగు నేటివిటీకి కొంత మార్పుచేసి తెర‌కెక్కిస్తున్నారు. క‌థ ప్ర‌కారం కొరియ‌న్ యాక్ష‌న్ ఎపిసోడ్ చేయాల్సివుంది. అందుకే అందుకు సంబంధించిన యాక్ష‌న్ పార్ట్ కోసం ఇద్ద‌రూ శిక్ష‌ణ తీసుకుంటున్నారు. ఈ సినిమాను డి. సురేష్ బాబు, సునీత తాటి నిర్మిస్తున్న‌ట్లు తెలుస్తోంది. స్వామి రారా` ఫేమ్ సుధీర్ వ‌ర్మ ద‌ర్శ‌క‌త్వం వ‌హిస్తున్నారు. త్వ‌ర‌లో మ‌రిన్ని వివ‌రాలు తెలియ‌నున్నాయి.