జీఎస్టీ ఎఫెక్ట్ : రాంగోపాల్ వర్మ అరెస్టు తప్పదా?

టాలీవుడ్ దర్శకుడు రాంగోపాల్ వర్మ అరెస్టు ఖాయమని హైదరాబాద్ ఫిల్మ్ నగర్ వర్గాల్లో ఓ వార్త హల్‌చల్ చేస్తోంది. ముఖ్యంగా, ఆర్జీవీ నిర్మించిన గాడ్స్, సెక్స్ అండ్ ట్రూత్ (జీఎస్టీ) సినిమా వ్యవహారంలో ఆయనను హైద

టాలీవుడ్ దర్శకుడు రాంగోపాల్ వర్మ అరెస్టు ఖాయమని హైదరాబాద్ ఫిల్మ్ నగర్ వర్గాల్లో ఓ వార్త హల్‌చల్ చేస్తోంది. ముఖ్యంగా, ఆర్జీవీ నిర్మించిన గాడ్స్, సెక్స్ అండ్ ట్రూత్ (జీఎస్టీ) సినిమా వ్యవహారంలో ఆయనను హైదరాబాద్ సైబరాబాద్ పోలీసులు అరెస్టు చేయవచ్చనే ప్రచారం జోరుగా సాగుతోంది. 

వివాదాస్పద ఇంటర్నెట్‌ చిత్రం 'గాడ్‌ సెక్స్‌ ట్రూత్‌' వివాదంపై ఇప్పటికే ఆయనను పోలీసులు ఒకసారి పిలిపించి మాట్లాడారు. మూడున్నర గంటల పాటు కొనసాగిన విచారణలో వర్మ తనదైనశైలిలో సమాధానాలు దాటవేశారు. స్కైప్‌ ద్వారా వీడియోను చిత్రీకరించినట్లు ఆయన చెప్పినట్లు సమాచారం. వర్మ తమను తప్పుదోవ పట్టించినట్లుగా పోలీసులు భావిస్తున్నారు. 

విచారణ అనంతరం వర్మ ట్విట్టర్‌ వ్యాఖ్యలను కూడా పోలీసులు సీరియ్‌స్‌గా పరిగణిస్తున్నారు. శుక్రవారం మలిదఫా విచారణకు వర్మ హాజరు కావాల్సి ఉండగా సోమవారం వస్తానంటున్నారు. వర్మ సమాధానాలపై అనుమానాలు ఉన్నాయని, నివృత్తి చేసుకోవడానికి రెండోసారి పిలిచామని చెప్పారు. 

విదేశాల్లో చిత్రీకరించారంటున్న జీఎస్టీని ఇక్కడ డౌన్‌లోడ్‌ చేసుకొని, తిరిగి అప్‌లోడ్‌ చేసిన విషయంలో వర్మ దొరికిపోయాడని, రెండో దశ విచారణ అనంతరం ఆయనను అరెస్ట్‌ చేయడం ఖాయమనే అభిప్రాయం వ్యక్తమవుతోంది.