రాజమౌళి ప్రతిష్టాత్మక చిత్రం ఆర్ఆర్ఆర్ నుంచి పోస్టర్లు విడుదలవుతున్నాయి. ఈ పోస్టర్ల రిలీజ్‌తో ఫ్యాన్స్ పండుగ చేసుకుంటున్నారు. ఎన్టీఆర్, రామ్చరణ్ హీరోలుగా నటిస్తున్నఈ భారీ బడ్జెట్ చిత్రం ట్రైలర్ డిసెంబర్ 9న విడుదల కానుంది.
దీంతో నిరాశ చెందిన అభిమానులను సర్‌ప్రైజ్ చేస్తూ రామ్చరణ్ పోషిస్తున్న రామరాజు పాత్రకు సంబంధించిన పోస్టరును చిత్రబృందం తాజాగా విడుదల చేసింది. ఈ ఉదయం ఎన్టీఆర్ భీమ్ పోస్టర్‌ను విడుదల చేసిన సంగతి తెలిసిందే. తాజాగా రామ్ చరణ్ పోస్టర్ రిలీజైంది. ఈ పోస్టర్‌లో చెర్రీ లుక్ అదిరింది.
ఇకపోతే.. భారత స్వాతంత్ర సమరయోధులు అల్లూరి సీతారామరాజు, కొమరం భీమ్ జీవితాల ఆధారంగా తెరకెక్కిన ఫిక్షన్ డ్రామా 'ఆర్ఆర్ఆర్'. అల్లూరిగా రామ్చరణ్, కొమురం భీమ్గా ఎన్టీఆర్ నటించారు.
అలియా భట్, ఒలీవియా మోరిస్ కథానాయికలు. అజయ్ దేవ్గణ్, శ్రియ, సముద్రఖని తదితరులు కీలకపాత్రలు పోషించారు. కీరవాణి సంగీతమందించగా, డీవీవీ ఎంటర్టైన్మెంట్స్ పతాకంపై దానయ్య నిర్మించారు.