ఆర్ఎక్స్ 100 హీరో కార్తికేయ నటించిన తాజా చిత్రం రాజా విక్రమార్క. శ్రీ సరిపల్లి దర్శకత్వం వహించారు. 88 రామారెడ్డి నిర్మించిన ఈ సినిమాలో, కార్తికేయ సరసన నాయికగా తాన్య రవిచంద్రన్ నటించారు. ప్రశాంత్ విహారి సంగీతాన్ని సమకూర్చిన ఈ సినిమా, రొమాంటిక్ యాక్షన్ కామెడీగా ప్రేక్షకుల ముందుకు రానుంది.
తాజాగా ఈ సినిమా నుంచి నాని చేతుల మీదుగా ట్రైలర్‌ను రిలీజ్ చేయించారు. ముఖ్యమైన పాత్రలన్నింటి కాంబినేషన్లోని సీన్స్‌పై కట్ చేసిన ఈ ట్రైలర్ ఆకట్టుకుంటోంది. లవ్.. యాక్షన్.. కామెడీని కలిపి అల్లుకున్న కథగా ఈ సినిమా కనిపిస్తోంది. ఈ నెల 12వ తేదీన ఈ సినిమాను భారీ స్థాయిలో విడుదల చేయనున్నారు.
"ఎలకను పట్టుకోవాలంటే వెనకబడనక్కర లేదురా.. ఎరగా ఉల్లిపాయను పెడితే చాలు", "నువ్వు తెలివైనవాడివని అనుకునేలోపే ఎంత ఎదవ్వో గుర్తు చేస్తావ్" అనే డైలాగులు సరదాగా అనిపిస్తున్నాయి.