క్వీటీ ఎంటర్‌టైన్మెంట్ పతాకంపై రాధికా కుమారస్వామి ప్రధాన పాత్రలో సౌరవ్ లోకేష్, శరణ్ ఉల్తి, జి. కె. రెడ్డి,సాదు కోకిల, తబ్లా నాని, అంజనా నటీనటులుగా నవరసన్ దర్శకత్వంలో కన్నడలో సూపర్ హిట్ సాధించిన దమయంతి చిత్రాన్ని కాళికా పేరుతో తెలుగులో రీమేక్ చేసి నట్టి కరుణ,నట్టి క్రాంతిలు విడుదల చేస్తున్నారు.
ఈ సందర్భంగా నిర్మాతలు నట్టి కరుణ నట్టి క్రాంతిలు మాట్లాడుతూ .. రాధికా కుమారస్వామి హీరోయిన్‌గా లీడ్ పాత్రలో కన్నడలో సూపర్ హిట్ అయిన దమయంతి చిత్రాన్ని తెలుగులో కాళికాగా రిమేక్ చేస్తున్నాము.
ఈ సినిమాను రూ.18 కోట్లు ఖర్చు పెట్టి అద్భుతమైన హర్రర్ గ్రాఫిక్స్‌తో ప్రేక్షకులను అడుగడుగున ఉత్కంఠ కలిగిస్తూ తీసిన ఈ సినిమా అద్భుతంగా వచ్చింది. కన్నడలో ఈ చిత్రం ఎంతటి ఘన విజయం సాధించిందో.. తెలుగులో కూడా అంతటి ఘన విజయం సాధిస్తుందనే నమ్మకం ఉందని అన్నారు.