సినిమా ప‌రిశ్ర‌మ‌కు బ‌న్నీ గిఫ్ట్ లాంటివాడు - రాజ‌మౌళి

Rajamouli, Allu Arjun

అల్లు అర్జున్‌, ర‌ష్మిక న‌టించిన `పుష్ప‌` సినిమా ప్రీ రిలీజ్ ఆదివారం రాత్రి హైద‌రాబాద్‌లో జ‌రిగింది. ఈ సంద‌ర్భంగా  రాజ‌మౌళి మాట్లాడుతూ, ఈరోజు బాధ‌గా వుంది, ఆనందంగా వుంది. బెస్ట్ ప్రెండ్ సుక్కు ఇక్క‌డ లేడు. ముంబైలో సినిమా ప‌నిలో వున్నాడు. ప‌గ‌లు, రాత్రి లేకుండా క‌ష్ట‌ప‌డుతున్నాడు. నేను ఆర్‌.ఆర్‌.ఆర్‌. ప‌నిమీద ముంబై వెళ్ళిన‌ప్పుడు అక్క‌డ అంద‌రూ పుష్ప కోసం ఎదురు చూస్తున్నారని అంటుంటే నాకు చాలా ఆనందంగా వుంది. అందుకే బ‌న్నీ నువ్వు కూడా ప్ర‌మోట్ చేసుకోవాలి. మంచి ప్రొడ‌క్ట్ నీ చేతుల్లో పెట్టుకున్నావ్‌. 

నేను పుష్ప టీజ‌ర్ చూశాక క‌ళ్ళు చెదిరిపోయాయి. బాగా న‌చ్చింది. విజువ‌ల్స్ అద్భుతంగా తీశారు. ఫైట‌ర్స్‌గా రామ్‌ల‌క్ష్మ‌న్‌, పీట‌ర్ హేన్స్ బాగా చేశారు. ఇక బ‌న్నీ ఫ్యాన్స్ కోసం పిచ్చెక్క‌లా చేశారు. బ‌న్నీ డెడికేష‌న్‌కు హ్యాట్సాప్‌. ద‌ర్శ‌కుడిపై న‌మ్మ‌కం పెట్టావు. ఇండ‌స్ట్రీకి నువ్వు గిఫ్ట్‌లాంటివాడివి. చాలామంది నిన్ను చూసి ఇన్స్పైర్ అయ్యారు. నీ అంత ఎత్తు ఎద‌గాల‌ని వారంతా స్పూర్తిగా తీసుకోవాలి అని చెప్పారు.