ఉన్నికృష్ణన్‌ దర్శకత్వంలో విశాల్‌, శ్రీకాంత్‌, మోహన్‌లాల్‌, హన్సిక, రాశీ ఖన్నా ప్రధాన పాత్రల్లో నటించిన చిత్రం ‘పులిజూదం’. తమిళం, తెలుగు భాషలలో విడుదల కానున్న ఈ సినిమా తెలుగు ట్రైలర్‌ను విడుదల చేసారు.
మోహన్‌లాల్‌ పోరాట సన్నివేశాలతో మొదలయ్యే ట్రైలర్ విడుదల చేయబడగా... ఇందులో మోహన్‌లాల్‌ పోలీస్‌ అధికారిగా, రాశీ ఖన్నా పోలీస్‌ కానిస్టేబుల్‌గా, హన్సిక బార్‌ డ్యాన్సర్‌గా, విశాల్‌ వైద్యుడిగా, శ్రీకాంత్‌ ప్రతినాయకుడిగా నటించారు. ‘తప్పు చేస్తే భయపడాలి. భయపడతారు.
ఎందుకంటే ఆ భయానికి రెండో పేరుంది. డా. మదనగోపాల్‌’ అని విశాల్‌ చెప్పే డైలాగ్‌ చాలా ఆసక్తికరంగా ఉంది. ట్రైలర్ చివర్లో మోహన్‌లాల్‌, శ్రీకాంత్‌ ఫైట్ సన్నివేశాలు హైలైట్‌గా ఉన్నాయి. రాక్‌లైన్‌ ఎంటర్‌టైన్‌మెంట్స్‌ బ్యానర్‌పై రాక్‌లైన్‌ వెంకటేష్ నిర్మిస్తున్న ఈ సినిమా భారీ మల్టీస్టారర్‌గా తెరకెక్కుతోంది. కాగా... ఈ సినిమా మార్చి 12న ప్రేక్షకుల ముందుకు రానుంది.