రెస్టారెంట్ వ్యాపారంలోకి బాలీవుడ్ తార ప్రియాంకా చోప్రా

బాలీవుడ్ స్టార్ హీరోయిన్ ప్రియాంకా చోప్రా రెస్టారెంట్ వ్యాపారంలోకి అడుగుపెట్టింది. న్యూయార్క్ నగరంలో సోనా పేరుతో భారతీయ వంటకాలు అందుబాటులో ఉండే రెస్టారెంట్‌ను తన భర్తతో కలిసి ప్రారంభించింది. దీనికి సోనా అనే నామకరణం చేశారు. 

హిందీలో వైవిధ్యమైన సినిమాలు చేసిన ప్రియాంక చోప్రా క్వాంటికో అనే సీరియ‌ల్‌తో హాలీవుడ్‌లో అడుగుపెట్టింది. ఈ సీరియ‌ల్ త‌ర్వాత ప‌లు హాలీవుడ్ సినిమాలు చేసిన ప్రియాంక పాప్ సింగ‌ర్ నిక్ జోనాస్‌ను వివాహం చేసుకొని అక్క‌డే సెటిల్ అయింది.

ఈ మ‌ధ్య బాంద్రాలోని త‌న ఫ్లాట్ కూడా అమ్మేయ‌గా, దానిని జాక్వెలిన్ ఫెర్నాండేజ్ సొంతం చేసుకుంది. ప్ర‌స్తుతం సిటాడెల్ అనే షూటింగ్‌తో బిజీగా ఉన్న ప్రియాంక చోప్రా త‌ను రెస్టారెంట్ ఓన‌ర్ అయిన‌ట్టు ప్ర‌క‌టించింది.

భారతీయ ఆహారాన్ని అందించాల‌నే ఉద్ధేశంతో తాను సోనా అనే రెస్టారెంట్‌ను ప్రారంభించిన‌ట్టు ప్రియాంక త‌న ఇన్‌స్టాగ్రామ్ ద్వారా తెలియ‌జేసింది. అంతేకాదు పూజా కార్య‌క్ర‌మానికి సంబంధించిన ఫొటోలు కూడా షేర్ చేసింది.

"సోనాను చూపించ‌డాన్ని థ్రిల్‌గా ఫీల‌వుతున్నాను. కొత్త రెస్టారెంట్‌లో ప్రేమ‌తో కూడిన ఇండియ‌న్ ఆహారం అందించాలి అని అనుకుంటున్నాను. చిన్న‌ప్పటి నుండి నేను తిన్న ఫుడ్, అద్భుతమైన వంటకాలు మంచి చెఫ్ చేతుల మీదుగా రెడీ అవుతున్నాయి. నా దేశ రుచుల‌ను ఈ రెస్టారెంట్‌లో చూస్తారు. ఏప్రిల్‌లో దీని ఓపెనింగ్ ఉంటుంది. మనీశ్ గోయెల్, డేవిడ్ ర్యాబిన్ లీడర్ షిప్‌తోనే ఇదంతా సాధ్యమైంది. డిజైనర్ మెలిస్సా బోయర్స్‌కు థ్యాంక్స్" అంటూ ప్రియాంకా పోస్ట్ చేసింది.