ప్రియా ప్రకాష్ వారియర్.. ఓవర్‌నైట్‌లో సెలెబ్రిటీగా మారిపోయింది. గత ఏడాది ఫిబ్రవరి 14వ తేదీన ప్రియా ప్రకాష్ వారియర్ కన్నుగీటిన ఒరు అదార్ లవ్ సినిమాలోని ఓ సన్నివేశం.. ఆమెను ఓవర్‌నైట్‌ స్టార్‌గా మార్చేసింది. ప్రస్తుతం ఒరు అదార్ లవ్ సినిమా లవర్స్ డేగా రాబోతోంది. ఈ సినిమా వాలైంటైన్స్ డే కానుకగా ప్రేక్షకుల ముందుకు రానుంది.
ఈ సందర్భంగా ఈ సినిమా ప్రమోషన్ కార్యక్రమంలో పాల్గొన్న ప్రియా ప్రకాష్ వారియర్.. తాను ఇప్పటివరకు 200సార్లు కన్నుకొట్టానని.. తానెక్కడి వెళ్లినా కన్నుకొట్టమని అడుగుతున్నారని చెప్పింది. ఎవరైనా కన్నుకొట్టమని అడిగితే చిరాకు రావట్లేదు కానీ.. బోరింగ్ అనిపిస్తోందని తెలిపింది. తాను కన్నుకొడితే ఇలా వైరలై కుర్చుంటుందని.. అప్పట్లో తాను ఊహించలేకపోయానని, ఈ సినిమా తర్వాత తన జీవితంలో పెనుమార్పులేమీ లేవని చెప్పుకొచ్చింది. తాను ఇప్పటికీ మిడిల్ క్లాస్ అమ్మాయినేనని తెలిపింది.
కానీ తానెక్కిడికి వెళ్లినా అభిమానులు సెల్ఫీలు అడుగుతుంటారని, దీంతో కొంత ప్రైవసీ కోల్పోయిన మాట నిజమేనని వివరించింది. ఐటమ్ సాంగ్స్ చేయడంలో అభ్యంతరం లేదని.. విజయ్ సేతుపతితో కలిసి నటించాలని వుందని చెప్పుకొచ్చింది. అంతేగాకుండా.. ఒరు అదాల్ లవ్ విడుదల కానుండటంతో కొంత కంగారుగా వుందని ప్రియా ప్రకాష్ వారియర్ వెల్లడించింది. అట్లీ దర్శకత్వం అంటే పడి చస్తానని తెలిపింది.